Сырдык Күүс: «Көтөр массыыналар баар буолуохтара»

Көрбүөччү Мария Кононова-Сырдык Күүс ахсынньы ахсын үүнэр сыл хайдах буолуоҕун өтө көрөн билгэлиир. Дьиктитэ диэн, кэнники сылларга кини өтө көрүүлэрин үгүс өттө туолан иһэр курдук.

 

Бу күннэргэ ахсынньытааҕы өтө көрүүлэригэр эбии таһаарда. “Туолуута 60-70% “ диэн бэйэтэ быһаарбыт. Ол курдук:

— дойду аҥаарын кэриҥэ сэбилэниилээх утары турсууга быһаччы уонна кэтэхтэн кыттыһарга күһэллиэ;

— биир эрэгийиэҥҥэ метеорит түһэн, дьиэни алдьатыа;

— инники олоххо баар буолар куорат акылаатын ууруохтара, “эко-куорат” кэнсиэпсийэтэ олоххо хайдаҕын бэрэбиэркэлиэхтэрэ;

— үөһэнэн көтө сылдьар массыыналар күннээҕи олоххо баар буолуохтара (ол эрээри, биһиэхэ буолбатах);

— Индия, Пакистан диэки (илиҥҥи дойдуларга) 7 баалга тиийэр сир хамсааһынын көрөбүн, сир улаханнык дьигиһийэн ылыаҕа;

— билиҥҥи кэмҥэ актыыбынай вулканнар бары уһуктуохтара;

— күнтэн күүстээх эниэргийэ кэлэн, араадьыйа долгуннарыгар мэһэйдэр баар буолуохтара, технологическай кыһалҕалар үөскүөхтэрэ;

— кыыллар уонна үүнээйилэр саҥа көрүҥнэрин булуохтара, саҥа научнай арыйыылар баар буолуохтара.

Көрбүөччү өтө көрүүлэр өссө да салҕаныахтара диэн этэр. «Сир анныттан атын частоталаах туох эрэ тыас кэлэрин истэбин, миэхэ мэһэйдиир» диэн суруйар.

Кини 2023 сылы билгэлээбитин манна ааҕыҥ:

https://sakha-sire.ru/kerbyechchy-mari-syrdyk-kyys-2023-syly-bilgeleete/