Хаартыска: Ил Дархан пресс-киинэ
2024 сыл саҕаланыаҕыттан М.Е.Николаев аатынан Өрөспүүбүлүкэтээҕи 1 №-дээх балыыһа-Мэдиссиинэ национальнай киинин Сүрэх-тымыр киинигэр 2024 сылга киирэн баран, 271 үрдүк технологиялаах эпэрээссийэ оҥоһулунна.
«Ол иһигэр, коронарнай артерияларга 188 стентирование уо.д.а. эпэрээссийэлэр оҥоһулуннулар. Кардиохирургия эпэрээссийэлэриттэн суһал эпэрээссийэлэр 60 бырыһыаны ылаллар”, — диэн Сүрэх-тымыр киинин дириэктэрэ Күндүл Иванов бэлиэтээн эттэ.
Өрөспүүбүлүкэҕэ, 2007 сылы кытта тэҥнээтэххэ, мэдиссиинэ үрдүк технологиялаах көмөтүн кээмэйэ 20 төгүл улаатта. Бу хамсааһын ордук тэтимирбитин төрүөтүнэн өрөспүүбүлүкэтээҕи мэдиссиинэ баазаларын саҥардыыта буолар. Ол курдук, Сүрэх-тымыр киинэ аһыллыыта кардиологияҕа уонна тымыр неврологиятыгар эмтээһиҥҥэ элбэх саҥа үрдүк технологиялаах ньымалары киллэриигэ көмөлөстө.
Саха сирин кардио-нейро уонна рентген-хирурдара былырыын сүрэххэ уонна тымырга 1485 эпэрээссийэни оҥорбуттара. Олор ортолоругар аортокоронарнай шунтирование, сүрэх тэтимэ кэһиллиитин кардиостимулятордар имплантацияларынан хирургическай, эндоваскулярнай көннөрүү, сүрэх бобуллуутугар уонна искэнигэр хирургиянан эмтээһин, инсультка мэйиигэ эпэрээссийэлэр уо.д.а. бааллар.
Ил Дархан “Доруобуйа харыстабыла” национальнай бырайыагы олоххо киллэриини ситиһэргэ кэккэ соруктары өрөспүүбүлүкэ эмчиттэригэр туруорбута.
Санатан эттэххэ, мэдиссиинэ үрдүк технологиялаах көмөтүн туһаныы үлэтэ РФ Бэрэсидьиэнэ Владимир Путин көҕүлээбит “Доруобуйа харыстабыла” национальнай бырайыагын чэрчитинэн, Ил Дархан Айсен Николаев сорудаҕынан ыытыллар.
Саха сирэ “Дьоҕус уонна орто биисинэс уонна урбаанньыт тус көҕүлээһинин өйөөһүн” национальнай бырайыакка 2019 сылтан…
Сана үйэҕэ эргиэн үлэтигэр саҥа саҕалааһыннар кэрэхсэбиллээхтэр. Урукку кэмҥэ атыы-тутуу, эргиэн эйгэтигэр "Холбос" биир тэрилтэтэ…
«Оҕо аймаҕы үрдүккэ, сырдыкка, төрөөбүт дойдуга бэриниилээх буоларга сирдээбит "Мэлдьи бэлэм буол!" диэн тумус тыллаах…
Ыам ыйын 15 күнүгэр Дьиэ кэргэн аан дойдутааҕы күнүн бэлиэтээтибит. Онон бүгүн айанньыт, орнитолог, фотограф,…
Нам улууһугар Арбын уонна Түбэ сэлиэнньэлэрин икки ардыларыгар муус дьапталҕатын эстэрии ыытыллыбыта түмүктэри аҕалла. Онно…
Психолог сүбэтэ Ксения Ивашковская – Психоневрология өрөспүүбүлүкэтээҕи диспансерын килиниичэскэй психолога, дьиэ кэргэн психолога, консультант,…