Хаартыска: Ил Дархан уонна бырабыыталыстыба пресс-сулууспата
Саха сиригэр СберЗдоровье мэдиссиинэ онлайн-сервиһин базатыгар сүрэх-тымыр ыарыылаахтарга ыраахтан мониторинг бырайыага үлэлиэҕэ.
Ол эбэтэр, сервис быһаарыыта ааһан араҕан биэрбэт ыарыылаах дьону тиһигин быспакка кэтээн көрөр уонна мэдиссиинэ көмөтүн суһаллык оҥорор кыаҕы биэриэҕэ.
Бырайыак туһунан Саха сирин бырабыыталыстыбатын вице-премьерэ Ольга Балабкина уонна Сбербаан Саха сиринээҕи отделениетын управляющайа Олег Бугай дьүүллэстилэр.
Биллэрин курдук, тэлэмэдиссиинэ көмөтүнэн быраастар эмтэнээччи доруобуйатын туругун, ол иһигэр балыыһаҕа сыппат кэмигэр, суукканы быһа кэтээн көрөллөр.
«Диагностикалыыр мэдиссиинэни сыыппараҕа көһөрүү мэдиссиинискэй көмө хаачыстыбатын тупсарарга уонна өрөспүүбүлүкэ олохтоохторо доруобуйаларын туругун кэтээн көрөллөрүгэр актыыбынай көмөнү оҥорорго табыгастаах. Эрэгийиэн нэһилиэнньэтигэр улахан суолталаах уонна киэҥ хабааннаах бырайыагы олоххо киллэрэр кыаҕы биэрбиккитигэр Саха сирин салалтатыгар махтанабын», -– диэтэ Олег Бугай.
Эмтэнээччини ыраахтан мониториҥҥа холбоотоххо, кини доруобуйатын көрдөрүүтэ СберЗдоровье сервиһин электроннай дневнигэр хараллар, ону быраас уонна эмтэнээччи көрөр. Хаан баттааһынын тиһигин быспакка кэтээн көрүү сүрэх-тымыр ыарыыларын (инфаркт, инсульт уо.д.а.) уонна доруобуйа харыстабылын систиэмэтигэр ноҕуруусканы аҕыйатыа.
«Ил Дархан Айсен Николаев өрөспүүбүлүкэ доруобуйатын харыстабылыгар телемэдиссиинэни уонна сыыппараҕа көһөрүүнү муҥутуурдук туһанар соругу туруорбута», -– диэн Ольга Балабкина бэлиэтээн эттэ.
Көрсүһүү түмүгүнэн Ольга Балабкина гипертониялаах ыарыһахтар доруобуйаларыгар ыраахтан мониторины боруобалыыр бырайыагы ханнык поликлиника киллэрэрин быһаарарыгар Саха сирин Доруобуйаҕа харыстыбылын министиэристибэтигэр сорудахтаата.
Сбербаан бырайыагы бу сыл от ыйын күнүттэн киллэрэргэ бэлэм.
Дьокуускай куоракка Муниципальнай тэриллиилэр бэрэстэбиитэллээх уорганнарын, дьокутааттарын 3-с сийиэһэ буола турар. Сийиэс үлэтин чэрчитинэн, Ил…
СӨ борокуруора Сергей Дябкин сорудаҕынан, Таатта оройуонун борокуратуурата Н.Е. Мординов-Амма Аччыгыйа аатынан Харбалаахтааҕы үөрэх комплексын…
Национальнай сыаллары ситиһэргэ сыһыаннаах боппуруостар уонна систиэмэлээх соруктар бырабыыталыстыба, министиэристибэлэр уонна биэдэмистибэлэр, муниципальнай тэриллиилэр баһылыктарыттан…
Бу чааска Дьокуускай куорат мээрэ Евгений Григорьев суруналыыстары кытта көрсүһүүтэ буола турар. Мээр сыл аайы…
Судаарыстыбаннай Дуума элбэх кыбартыыралаах дьиэ сэбиэтин чилиэннэригэр баайы-дуолу көрүүгэ-харайыыга үлэ уонна өҥө толоруллуутун туһунан докумуоннарга…
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…