Сүрэх-тымыр ыарыылаахтары биир испииһэккэ киллэрдилэр

Балаҕан ыйын 29 күнүгэр Аан дойдутааҕы Сүрэх күнэ бэлиэтэнэр. Дьокуускай куораттааҕы 3 №-дээх балыыһа базатыгар сүрэх-тымыр ыарыылаах дьону кэтээн көрөр ураты бырайыак үлэтин саҕалаата.

Бу иннинэ ыарыһахтар туруктарын кэтээн көрөргө биир систиэмэ суох этэ. Билигин ыарыһахтары барыларын биир испииһэккэ киллэрдилэр. Бырайыак бастакы түһүмэҕэр 20 тыһыынча киһини киллэрбиттэрэ. Быраастар кинилэр каарталарын үөрэтэн баран, хас биирдиилэригэр анал бырагырааманы («дорожная карта») оҥордулар. Онон пациент чопчу диагноһу ыларыгар бириэмэ кылгаата — 14 күҥҥэ диэри. Ону тэҥэ, диспансернай кэтээн көрүү, чуолкай хонтуруол олохтонно.

Бүгүҥҥү күҥҥэ 23 384 пациент суруйтарда, кинилэртэн улахан аҥаардара исписэлиистэргэ көрдөрдүлэр, чинчийиини аастылар.

Бу бырайыак  «Росатом» корпорацияны кытта бииргэ «Эффективный регион» бырагырааманан ыытыллар. Бу бырагырааманан судаарыстыбаннай, муниципальнай өҥөлөрү ылыы судургутуйар.

«Кэнники кэмҥэ өрөспүүбүлүкэҕэ доруобуйа хаыстабылыгар кэккэ уларыйыылар киирдилэр. Мэдиссиинэ өҥөтүн тупсарарга 600-тэн тахса бырайыак үлэлиир. Аһаҕас регистратуралар, табыгастаах диспансеризация, «Онкопоиск», «Медицинский помощник» бырайыактар, чэпчэтиилээх эмтэри ыларга көмө, о.д.а. — бу күннээҕи үлэбит түмүгэ буолла», — диэн доруобуйа харыстабылын миниистирэ Лена Афанасьева эттэ.

Сиһилии: https://minzdrav.sakha.gov.ru/news/12356