Хаартыска: М.Васильева (СИА)
Ил Дархан Айсен Николаев муус устар 26 күнүгэр тэлэбидиэнньэ ханаалларыгар, өрөспүүбүлүкэ араадьыйатыгар, социальнай ситимнэргэ быһа эпииргэ тахсарыгар кэнники сылларга Саха сирин доруобуйатын харыстыбалын сайдыытын үрдүктүк сыаналаата.
«…Уһук Илиҥҥи эрэ буолбакка, дойдуга барытыгар биир бастыҥынан биллэр сүрэх-тымыр киинин курдук улахан эбийиэктэр тутуллаллар. Бу эбийиэк былырыын үлэҕэ киллэриллэн, өрөспүүбүлүкэҕэ сүрэх-тымыр ыарыытыттан өлүү 10 бырыһыанынан аҕыйаата. Бу — уонунан эрэ буолбакка, сүүһүнэн быыһаммыт олох», – диэн Айсен Николаев бэлиэтээн эттэ.
Ил Дархан эппитинэн, доруобуйа харыстабылын сайдыыта инникитин даҕаны өрөспүүбүлүкэ салалтатын болҕомтотугар баар. Быйыл үлэҕэ киллэриллиэхтээх Онкология киинэ тутулла турар. Улахан эбийиэктэр өрөспүүбүлүкэ улуустарыгар тутуллаллар: Бүлүү куоракка балыыһа комплексын бастакы уочарата үлэҕэ киирэр, Муома улууһугар, Ытык Күөлгэ, Чурапчыга, Уус Маайаҕа балыыһалар тутуллаллар. Быйыл Амма сэлиэнньэтигэр балыыһа комплекса, Ньурбаҕа, Намҥа, Майаҕа уонна Сангаар бөһүөлэгэр эмтиир куорпустар арыллыахтара. Арктика улуустарыгар «мобильнай дуоктардар» көмөлөрүнэн анал мэдиссиинискэй көмөнү оҥорорго анал бырайыак боруобаланар.
«Бу барыта — дьон олоҕун хаачыстыбатын тупсарарга», – диэтэ Айсен Николаев.
Дьүкээбил туһунан төһө билэҕитий? Дьүкээбил -- айылҕа дьикти уонна ураты көстүүтэ. Дьүкээбил биһиги планетабытыттан сүүстэн…
"Аҕа дойдуну көмүскээччилэр" пуонда филиала байыаннай дьайыы бэтэрээнэ Юлиан Смогайлов "Транснефть-Восток" бөдөҥ бырамыысыланнай хампаанньаҕа үлэҕэ…
Бу күннэргэ саамай кылгас, хараҥа, тымныы күннэр тураллар. Аҕыйах хонон баран, күммүт кутуйах хаамыытынан уһаан…
Ахсынньы 19 күнүгэр түүн Дьокуускай куоракка Ленин проспегар турар дьиэ биир кыбартыыратыгар уот турбут. Буруонан…
Арассыыйа Бэрэсидьиэнин Владимир Путин быһа лииньийэни кытта холбоһуктаах улахан пресс-кэмпириэнсийэтэ Москваҕа Гостинай дворга буолуоҕа. Бу…
Кэлэн иһэр саргылаах Саҥа дьылынан ытык-мааны сахам дьоно! Уһук хоту дьааҥы үрэх үрдүгэр турар Усуйаана…