Сүрэххэ саамай туһалаах оҕуруот аһа

Сүрэххэ саамай туһалаах оҕуруот аһынан төгүрүк луук буоларын кардиолог быраастар быһаарбыттара.

Ол курдук бу оҕуруот аһыгар кверцетин диэн антиоксидант баар, кини дабылыанньаны, холестерин таһымын түһэрэр уонна эккэ-сииҥҥэ үөскүүр инфекцияны, сүһүрүүнү суох оҥорор. Маны сэргэ, луук калийынан баай. Күн ахсын  сиир буоллахха, эккэ-сииҥҥэ саахар элбээһинин хонтуруоллуур, бүөр үлэтин күүһүрдэр. Ол эрээри аһары үлүһүйэр куһаҕаннаах. Кини куртаҕы аһытыан сөп. Онон сиикэйдии буолбакка, буһаран, аска-үөлгэ эбилик гынан сиэххэ сөп.