Хаартыска: "Арассыыйа -- мин сутуоурйам"
Сэтинньи 12 күнүгэр «Арассыыйа – Мин устуоруйам» историческай пааркаҕа бары баҕалаахтары «Сүрэхпинэн көрөбүн» диэн ааттаах ураты суолталаах тэрээһиҥҥэ ыҥыраллар. Бу тэрээһин «Маҥан торуоска» аахсыйа чэрчитинэн ыытыллар уонна уопсастыба болҕомтотун хараҕынан көрөр кыахтара хааччахтаммыт дьоҥҥо тардарга ананар.
Тэрээһин кыттыылаахтара анал бырагырааманан ыытыллар маастар-кылаастар уонна араас оонньуулар көмөлөрүнэн, хараҕынан көрбөт дьон эйгэтигэр кылгас кэмҥэ киирэн, ол олоҕу бэйэлэрин этинэн-хааннарынан билиэхтэрэ. Бу күн эһиги дьоҕурдаах эдэр ыччаты кытта билсиэххит, кинилэр олохторун туһунан интэриэһиргиир ыйытыыларгытын биэриэххит, остуол оонньууларын оонньуоххут, хараҕынан көрбөт дьон смартфоннары, көмпүүтэрдэри уонна аныгы технологиялары хайдах туһаналларын билиэххит, хараххытын симэн туран квест ааһыаххыт уонна кинилэр илиилэринэн оҥорбут оҥоһуктарын быыстапкатын көрүөххүт.
Бырагыраамата: 14:00 – Тэрээһин үөрүүлээх аһыллыыта; 14:30 – Маастар-кылаастар: Брайль шрибинэн суруйуу; Смартфоҥҥа уонна көмпүүтэргэ экрааны саҥардар технологиялары туһаныы; Хараҕынан көрбөттөргө аналлаах остуол оонньуулара. 15:00 – «Саамай табыгаһа суох 10 ыйытыы» диэн аһаҕас кэпсэтии; 15:30 – «Көрбөккө квест».
Сэтинньи 12 күнэ, 14:00 — 17:00. К.Д. Уткин уул., 5, «Арассыыйа – Мин устуоруйам» историческай паарка. Сааһынан хааччахтааһын 6+.
Дьокуускайга олунньу 22 күнүгэр "Быть здоровым -- это модно!" диэн 14-с төгүлүн ыытыллар Норуоттар икки…
Педагогическай наука кандидата Елизавета Петровна Гуляева ыҥырыытынан, Ийэ тыл күнүгэр Дьокуускай куорат 31 нүөмэрдээх орто…
Саха сирин сүүмэрдэммит хамаандатын дзюдоистката Аина Моисеева Ташкент куоракка ыытыллар «Большой шлем» күрэхтэһиигэ дойду сүүмэрдэммит…
Тимофей Сметанин уонна Яков Стручков кэпсээннэринэн уһуллубут "Мэхээлэчээн булчут" киинэ кулун тутар 19 күнүттэн улахан…
Бүгүн, олунньу 13 күнүгэр, Дьокуускай куоракка «Патриот» ыччат киинигэр оҕону, ыччаты патриотическай иитиигэ улахан суолталаах…
Саха сирин психологтара байыаннай дьайыы кыттыылаахтарын ийэлэрин өйүүргэ туһуламмыт «Искусство терапията» диэн саҥа бырайыагы саҕалаатылар.…