Сүрэхпитигэр өрүү тыыннааххыт

Дойду үрдүнэн бэлиэтэммит Дьоруойдар күннэригэр И.Барахов аатынан судаарыстыбаннас түмэлигэр байыаннай дьайыы кыттыылаахтарын саалаларыгар «Сыллар, хонуктар ааһыахтара, биһигини умнаайаҕыт…» диэн тэрээһин буолла.

Бу күн сарсыардаттан Аҕа дойдуларын чиэһин көмүскүү сылдьан олохторун толук уурбут биир дойдулаахтарбытын ахтан-санаан аастыбыт, кинилэр ааттарыгар сүгүрүйэн чүмэчи уматыыта буолла.

Оҕолорун, кэргэннэрин сүтэрбит ийэлэр, аймах-билэ дьонноро кэлэн кэриэстээн бардылар. Оттон оскуола оҕолоругар «Сыллар, хонуктар  ааһыахтара, биһигини умнаайаҕыт…» диэн тыллардаах саллаат уол бүтэһик суругун дорҕоонноохтук ааҕыыны истии буолла.

Светлана Копыленко

Харбалаах, Үөһээ Бүлүү.

Владимир Семенов хаартыскаларга түһэриитэ