Хаартыска А.Е.Кулаковскай аатынан норуоттар доҕордоһууларын дьиэтин пресс-сулууспатыттан.
Дьокуускайга А.Е.Кулаковскай аатынан норуоттар доҕордоһууларын дьиэтигэр дьон-сэргэ болҕомтотун тардар тэрээһиннэр тиһиктээхтик ыытыллаллар.
Ол курдук, «Кустук» ырыа ансаамбыла «Близкая сердцу, Аллаиха моя!» диэн кэнсиэр буолла. Хоту дойду дьоно-сэргэтэ ырыа-тойук алыбар куустаран, тапталлаах дойдуларыгар ыалдьыттаабыт курдук сананнылар.
«Кустук» ансаамбыл 2019 сыллаахха тэриллибитэ. Бу ансаамбыл куорат уонна өрөспүүбүлүкэ тэрээһиннэригэр, куонкурустарга, бэстибээллэргэ көтүппэккэ кыттар. Ансаамбылы мелодист Светлана Протопопова салайар. Музыкальнай салайааччылара — Сардаана Трифонова.
Дойдуларын ахтар-саныыр дьоҥҥо бэртээхэй кэнсиэр диэн дьон-сэргэ махтанар. Саалаҕа мустубут көрөөччүлэри норуоттар доҕордоһууларын дьиэтин генеральнай дириэктэрэ Антонида Корякина эҕэрдэлээтэ. Кини сүрэхтэн тыллан тахсыбыт ырыалар дойдуга тапталы күүһүрдэллэрин, «Кустук» ансаамбыл оннук истиҥ ырыалары дьоҥҥо бэлэхтиирин бэлиэтээтэ.
А.Е.Кулаковскай аатынан норуоттар доҕордоһууларын дьиэтин пресс-сулууспата
Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…
Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…
Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…
Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…