Бүгүн, ыам ыйын 22 күнүгэр, Ил Дархан Айсен Николаев бырабыыталыстыба чилиэннэрин кытта сааскы халаан содулун туоратар соруктар тустарынан сүбэ-мунньах ыытта.
Саахалтан чөлүгэр түһэрии үлэтигэр министиэристибэлэри кытта былаас бары уорганнара кыттыыны ылыахтара.
«Араас уустук боппуруостары быһаарыыга суһал бөлөхтөрү тэрийэн, тирээн турар кыһалҕаны уталыппакка тута быһааран иһиэххэ наада. Балаһыанньа олус уустук, онон быһаарыыны түргэнник ылар сорук турар. Ордук нормативнай правовой аакталары оҥорууга, үбү аттарыыга тустаах үлэ барыан наада», – диэн бэлиэтээтэ Айсен Николаев.
Аҕа баһылык хоромньуну ааҕан-суоттаан баран, төлөбүрү түргэнник оҥорорго соруйда. Быһа холуйан, халаантан эмсэҕэлээбит дьон ахсаана 3 тыһыынчаттан тахса киһи буолла. Бу дьон бары судаарыстыбаннай өҥөнү оҥорор портал нөҥүө сайабылыанньа суруйан киллэриэхтээхтэр. Кинилэргэ былаас уорганнара миэстэтигэр методическай уонна консультационнай көмөнү оҥоруохтаахтар. Интэриниэтэ суох сирдэргэ докумуону миэстэтигэр тутуохтаахтар. Ил Дархан 6 нэһилиэнньэлээх пууҥҥа оробуочай бөлөхтөрү тэрийэргэ соруйда. Ол эбэтэр Нам улууһун Остуолба, Маймаҕа, Граф биэрэгэ, Бүтэй Үрдэ, Тумул уонна Өлүөхүмэ улууһун 1-кы Нөөрүктээйитигэр оробуочай бөлөхтөр тиийэн үлэлиэхтэрэ. Өрөспүүбүлүкэтээҕи таһымнаах салайааччылар миэстэтигэр тиийэн, онно олорон чөлүгэр түһэрии үлэтин салайыахтаахтар. Бырабыыталыстыба социальнай хайысхатынан үлэлиир салайааччылар волонтердар үлэлэрин гуманитарнай көмөҕө туһаайыахтара, тэрилтэлэринэн Нам улууһугар тахсан субуотунньуктары сүрүннүөхтэрэ. Халаантан эмсэҕэлээбит нэһилиэктэргэ итиинэн хааччыйыыны тохтотуохтара суоҕа. Маны таһынан, Ил Дархан тыа хаһаайыстыбатын, үөрэҕирии, мэдиссиинэ салааларыгар туспа сорудахтары биэрдэ.
Маны таһынан, оҕо сайыҥҥы сынньалаҥын тэрийиигэ эмиэ үлэ барыаҕа.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…