Хаартыска: ааптар түһэриитэ.
Бүгүн “Сулус” полигон базатыгар ыраах дистанцияны ытыыга снайпинг аһаҕас турнира буола турар.
Кылаабынай судьуйа Юрий Трутнев көмөлөһөөччүтэ, позывнойа “Марк”:
-Күрэхтэһии таһыма үрдээн иһэр. Бастатан туран, Оборуона министиэристибэтиттэн уонна байыаннай дьайыы буола турар сириттэн элбэх киһи кэлбит. Бастакы күнтэн көрдөххө, ытыы хаачыстыбата тупсубут, быдан күүстээх калибрдары туттар буолбуттар, бэлэмнэнии эмиэ оннук, ол иһин таһыма үрдээн иһэрэ көстөр. Ыраах дистанциялары табыы элбээбит. Бастакы, иккис күрэхтэһиилэргэ 2 км ырааҕы табаллар этэ, бу сырыыга бу дистанцияны аһарарбыт буолуо. Оннук санаалаах, бэлэмнээх дьон элбэхтэр. Урукку күрэхтэһиилэрдээҕэр 30 бырыһыанынан элбэх кыттааччы баар. Үрдүк кылаастаах сэптээх-сэбиргэллээх 170 снайперскай паара баар.
Билигин спортсменнар квалификацияны ааһаллар, 1000 м ыраахха турар 40 см тимир гонгу ыталлар. Таппыттар сүрүн түһүмэххэ ааһаллар, сыыспыттар көрөөччү буолаллар. Салгыы түүҥҥү ытыы буолуоҕа, 1100-тэн 3,5 км-га диэри дистанцияҕа үстэ холонон көрүөхтэрэ. Түүҥҥү ытыыга саамай сүрүн болҕомтобутун уурабыт, бойобуой снайпиҥҥа киирсэрин быһыытынан. Сарсын күнүскү түһүмэх буолуоҕа, онон күрэхтэһээччилэр араас усулуобуйаҕа төһө бэлэмнээхтэрин көрдөрүөхтэрэ. Бастакы миэстэҕэ “Пикап” массыына, иккис миэстэҕэ – “Сокол” вездеход, үһүс миэстэҕэ – бөдөҥ калибрдаах снайперскай бинтиэпкэ бэриллиэҕэ.
Суукка иһигэр өрөспүүбүлүкэҕэ икки буруйу оҥоруу тахсыбыта бэлиэтэннэ. Бу туһунан СӨ Борокуратуурата иһитиннэрэр. Дьокуускай куоракка…
Оҕолору анал кириэһилэтэ суох таһыы иһин ыстараап икки бүк кэриҥэ улаатар. Ол курдук, тохсунньу 9…
Бу күннэргэ Тымныы полюһунан аатырар Өймөкөөн нэһилиэгэр туристар үгэс быһыытынан тоҕуоруһа мусталлар. Тымныы хаһаайынын --…
Тохсунньу 8 күнүгэр Мэҥэ Хаҥалас улууһун отделын дьуһуурунай чааһыгар «Халыма» федеральнай суолга суол быһылаана тахсыбытын…
Бүгүн былааннары олоххо киллэрэргэ табыгастаах кэм. Бу күн бэрээдэги, эппиэтинэстээх буолууну ирдиир. Ол эрээри, Ый…
Саха сирин синоптиктарын иһитиннэриитинэн, бүгүн, тохсунньу 10 күнүгэр, өрөспүүбүлүкэҕэ соҕуруулуу-арҕаа, соҕуруу, илин өттүгэр кыралаан хаардыыр,…