Кэнники биэс сылга өрөспүүбүлүкэҕэ 65 биэлсэр-акушер пууна уонна быраас амбулаторията аһылынна, 124 мэдиссиинэ тэрилтэтэ өрөмүөннэннэ. Балыыһалар 228 саҥа массыынаны, ол иһигэр “суһал көмө 89 массыынатын, ыллылар. Бу туһунан Ил Дархан Айсен Николаев бүгүн Анал этиитигэр иһитиннэрдэ.
«Бастакы уочараттаах сорук – Саха сирин хас биирдии олохтооҕор мэдиссиинэ табыгастаах буоларын хааччыйыы. Бу күннэргэ Бүлүүгэ балыыһа комплексын бастакы уочарата үлэҕэ киириэҕэ, Тааттаҕа, Чурапчыга, Уус Маайаҕа уонна Муомаҕа киин балыыһалары тутуу саҕаланна. 2023 сылга Аммаҕа поликлиника, Бүлүүгэ, Намҥа уонна Ньурбаҕа эмтиир куорпустар, Майаҕа уонна Сангаарга балыыһа комплекстара тутуллуохтара. Нерюнгригэ доруобуйа харыстабылын эбийиэктэрэ саҥардыллаллар. Мэдиссиинэ инфраструктурата маннык киэҥ хабааннаахтык сайдыыта өрөспүүбүлэ устуоруйатыгар аан бастаан ситиһилиннэ – биһиги киһи уонна кини доруобуйатын харыстааһыҥҥа улахан хардыылары оҥоробут”, — диэтэ Айсен Николаев.
Сыл бүтүөр дэри 6 быраас амбулаторията уонна биир ФАП үлэҕэ киллэриллиэҕэ.
Федеральнай өйөбүл көмөтүнэн Саха сиригэр быйыл сүрэх-тымыр киинэ үлэҕэ киирдэ. Онкология киинэ тутуллар.
Эрэгийиэҥҥэ улахан болҕомто Арктика улуустарыгар ууруллар. Баатаҕайга балыыһа үлэҕэ киирдэ, Хонууга балыыһа комплекса тутуллар, үс сылга Арктика сэлиэнньэлэригэр 14 ФАП уонна быраас амбулаторията тутулунна. 2023 сыл бастакы аҥаарыгар мобильнай биригээдэлэр өрөспүүбүлүкэтээҕи кииннэрин бырайыагын олоххо килэрии былааннанар.
«Манна телемэдиссиинэ уонна быраастар көһө сылдьан дьүөрэлээн үлэлиэхтэрэ. Ону таһынан Арктика олохтоохторун доруобуйаларын туругар диспансер мониторина ыытыллыаҕа. Сүрүн сорук – Арктика улууһун олохтоохторо быраас, “узкай” исписэлиис көмөлөрүн ыксаллаах кэмҥэ эрэ буолбакка, тиһиктээхтик ылалларын хааччыйыы”, — диэтэ Айсен Николаев.
Быйыл биллэр хаһаайыстыбанньык, бэлитиичэскэй, судаарыстыбаннай, научнай, уопсастыбаннай диэйэтэл Лазарь Степанович Филиппов 85 сааһын туолла. Сүдү…
Үс сыл аннараа өттүгэр култуура салалтатын, нэһилиэк дьаһалтатын көҕүлээһинэн саҕыллан тахсыбыт "Оһуор үҥкүүтүн уруйдуубут!" тэрээһин…
Норуот суруйааччыта Наталья Михалева-Сайа алгыстаах сааһын «Барыта баар этэ...» диэн ымыылаах ырыа киэһэтинэн бэлиэтээри бэлэмнэнэр.…
Өрөспүүбүлүкэ бары храмнарыгар Пасхатааҕы сулууспалар буоллулар. Бу сырдык бырааһынньыгы көрсө Ил Дархан Айсен Николаев Преображенскай…
Өлүөнэ өрүскэ муус сүрүннээн өрөспүүбүлүкэ иһинэн Ленскэй оройуонунан уонна Иркутскай уобалас Киренскэй уобалаһынан устар. Бүгүн…
Бүгүн, ыам ыйын 5 күнүгэр, Хатаска уонна Дьокуускайга Иван Тихоновы көрдүүр дьон муһуннулар. Сүппүт уолу…