Анна Яковлева түһэриитэ.
Таатта улууһугар Хара Алдан нэһилиэгэр бырабыыталыстыба отчуотугар олохтоохтор көхтөөхтүк кытыннылар.
Нэһилиэк баһылыга Дьулустан Старостин сүрүн кыһалҕалары торумнаата.
Хара Алдан улууска саамай ыраах сытар нэһилиэк. Ол курдук, баһылык суол-иис уустугун бэлиэтээтэ. Кыһыҥҥы, сайыҥҥы суол өрүһүнэн эрэ буолар, саас-күһүн ыйы-ыйынан хаайтараллар. Ону тэҥэ, 2014 сылга тутуллубут модульнай хочуолунай кыамтата тиийбэт буолан, сорох ыаллар ититии систиэмэтигэр холбоммокко олороллор. Онон кыбартаалынай хочуолунай тутулларын туруорсаллар.
2015 сылтан »Билайн» сибээһэ үлэлиир. Ол эрээри, уот бардаҕына, аккумулятора тута олорон хаалар. Хонтуораҕа генераторы холбоотоххо эрэ, диспетчергэ эрийэн тиийэллэр.
Сибээс, инновация миниистирин солбуйааччы Георгий Андреев ити боппуруоска бу курдук хоруйдаата:
— Оптоволокно ситимин тардар бырагыраамаҕа 86 нэһилиэк киирбитэ, Хара Алдан бөһүөлэгэ бастакы түһүмэххэ баар. Онон быйыл киириэн сөп. Үбүлээһин аҥаарын федеральнай киин уйунуохтаах. Онно өрөспүүбүлүкэттэн сайаапка баран турар. Оптоволокно ситимин тардар туһунан 2022 сыл алтынньы 4 күнүгэр Ил Дархан РФ сибээскэ министиэристибэтин кытары илии баттаспыта. »Билайн’ туһунан эттэххэ, бастакы кэмҥэ генератор аҕалан, үлэлиир киһини тутан, балаһыанньаны көннөрөн эриэххэ сөп. »Билайн» өрөспүүбүлүкэни барытын хабара үчүгэй эрээри, тиэхиникэлэрэ эргэрдэ. Манна сүбэлэһэн, кэпсэтии ыытыахпыт.
Оскуола дириэктэрэ Ольга Самсонова балаһыанньаны билиһиннэрдэ. 1984 сыллаахха уопсай дьиэ бырайыагынан тутуллубут оскуола эргэрдэ. Онон олус тымныы. Тэйиччиттэн үөрэниигэ интэриниэт мөлтөҕө олус атахтыыр. Ол үрдүнэн, кэккэ сылларга »Арассыыйа бастыҥ оскуолалара» куонкуруска кыттыбыта, Ил Дархан граннарын ылбыта.
Улуус баһылыга Михаил Соров быһаарбытынан, оскуолаҕа бастаан хапытаалынай өрөмүөнү оҥорторон баран, саҥа оскуоланы тутарга киирсиэхтээхтэр. Инвестбырагыраамаҕа 10 оскуола иһигэр киирбит. Бу үбүлээһинэ быһаарылла илик. Онуоха диэри бырайыагын оҥоруохха диэн буолла. Михаил Михайлович Хара Алдан дьонун-сэргэтин »үлэни өрө тутар, олус көхтөөх, күүстээх санаалаах, патриот дьон» диэн сыаналаата.
Биэнсийэлээх Варвара Захарова:
— Бу кэлэр быыбарга Ил Дархаҥҥа туруох айылаах үчүгэй уолаттар бааллар, ол эрээри аан дойду таһымнаах салайааччынан Айсен Николаев буолар диэн көрөбүн. Татарстаны, Казахстаны кытары сибээс олохтоото, Москваны да кытары кудуххайдык кэпсэтэр. Онон саҕалаабытын салҕыа диэн эрэниэххэ сөп, — диэн эттэ.
Хара Алдан олохтоохторо элбэх үлэ ыытыллыбытын бэлиэтээн туран, бырабыыталыстыба үлэтин үчүгэйинэн сыаналаатылар.
Хаартыскалар — Ангелина Васильева, Анна Яковлева түһэриилэрэ.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…