Сүрүннүүр киин байыастарга баһыылкалары ыытыаҕа

Волонтердар хомуйан бэлэмнээбит баһыылкаларын СВО сиригэр-уотугар ыытаары бэлэмнииллэр. 

Бу туһунан «Вместе к Победе» хамыыһыйа өрөспүүбүлүкэтээҕи ыстаабын сүрүннүүр киинин салайар Георгий Куркутов иһитиннэрдэ.

Кини манна улуустар көхтөөх кыттыыны ылалларын бэлиэтээтэ. Дьокуускай — Аллараа Бэстээх хайысханан байыастарга анаммыт баһыылкалары босхо илдьэргэ СӨ тырааныспарга уонна суол хаһаайыстыбатыгар министиэристибэтэ кэпсэтиини ыыппыт.

—Дьокуускайга дьаһалта, СӨ баайга-дуолга уонна сир сыһыаныгар министиэристибэ аадырыстаах баһыылкалары уонна гуманитарнай көмөнү бүтүннүүтүн харайан уурар сиринэн хааччыйарга көмөлөһөллөр. «Якутия» авиахампаанньа дойду иһигэр баһыылкалары тиэйиигэ өйөбүлүн салгыыр. Ону таһынан «Полярные авиалинии» көмө-тирэх буолар, — диэн этэр координационнай киини салайааччы.

Маны сэргэ, «Аямтранссервис» АУо, координационнай киин, «Биир ньыгыл Арассыыйа» баартыйа эрэгийиэннээҕи отделениета, «Мы Вместе» өрөспүүбүлүкэ волонтердарын ыстааба, уопсастыбаннай түмсүүлэр, волонтердар кыттыылаах «Юбилейный маршрут добра» аахсыйа саҕаламмыт. Онтон Улуу Кыайыы 80 сылынан, РФ Аҕа дойдуну көмүскээччи, Саха сиригэр Ийэ дойдуну көмүскээччи сылларынан байыаннай сулууспалаахтарга ас-үөл наборун уонна бэлэхтэри барытын туттарбыттар.  Маны таһынан Приморье кыраайыгар саллааттар көрдөһүүлэринэн түөрт норуот эмчитэ үлэлиир. Кинилэр бэйэҕэ эрэли күүһүрдэргэ, туруктарын тупсарарга көмөлөһөллөр.

Сиһилии https://www.sakha.gov.ru/news/5101 манна киирэн ааҕыҥ.

СӨ Ил Дарханын уона Бырабыыталыстыбатын пресс-сулууспата