Хаартыска: үлэ, социальнай сайдыы министиэристибэтэ
Өрөспүүбүлүкэтээҕи социальнай хааччыйыы кэлим киинин (РКЦСО) иһинэн 2021 сылтан «Аймахтыы көрүү-харайыы оскуолата» ситиһиилээхтик үлэлиир. Оскуола сытар ыарыһахтар аймахтарыгар уонна социальнай хааччыйыы тэрилтэлэрин үлэһиттэригэр кырдьаҕастары уонна инбэлииттэри дьиэлэригэр хайдах көрөргө-харайарга босхо үөрэтиини ыытар диэн Үлэ уонна социальнай сайдыы министиэристибэтэ иһитиннэрэр.
Бу үлэ бэрэсидьиэн Владимир Путин көҕүлээбит «Дьиэ кэргэн» национальнай бырайыагын чэрчитинэн ыытыллар.
Бырайыак сыала-соруга — көрүүгэ-истиигэ наадыйар дьон олоҕун хаачыстыбатын тупсарыы уонна кинилэр дьиэ кэргэттэрин өйөөһүн. Көрүү-харайыы оскуолата аймахтарын, социальнай үлэһиттэри уонна волонтердары көдьүүстээх ньымаларга үөрэтэр. Анал үөрэхтээх сиэстэрэлэр, психологтар, патронажнай салаа көмөлөһөөччүлэрэ ыыталлар.
Үөрэтии үс сүрүн хайысханан ыытыллар. Бастакытынан, сөптөөх көрүү-истии тэрээһинэ: оронугар сытар ыарыһахтары көрүүгэ-истиигэ, тирии бааһырыытын сэрэтиигэ, сыҕарытарга практическай дьоҕурдар. Иккиһинэн, болҕомто физиология уонна гигиена сүрүннэригэр, сааһырыы уларыйыыларыгар, аһатыыга ууруллар. Үһүс хайысха – психологическай өйөбүл. Ол иһигэр кырдьаҕастарга, кинилэр дьиэ кэргэттэригэр уонна көрөөччүлэргэ психологическай консультациялар киирэллэр, кинилэр ыарыыны сэрэтэр уонна истириэһи намтатар сыаллаахтар.
Уопсастыбаҕа сөптөөх олоҕу тутуһарга, ыарыһах куттала суох буолуутун хааччыйарга уонна көрүүнү-истиини чэпчэтэр техническэй реабилитационнай көмө тэриллэрин көрдөрүүгэ, туһаныыга ураты болҕомто ууруллар.
Оскуола биирдиилээн уонна бөлөҕүнэн үөрэҕи ыытар, уруоктар кылаас иһигэр, тэйиччиттэн уонна дьиэҕэ тиийэн ыытыллаллар.
Аһыллыаҕыттан ыла 600-тэн тахса киһи бу оскуолаҕа үөрэҕи ааспыта. Уон биэс үөрэтэр видеоуруок бэлэмнэнэн, Өрөспүүбүлүкэтээҕи социальнай хааччыйыы кэлим киинин саайтыгар баар: https://rkcso14.ru/videoroliki-shkoly-uhoda/.
«Школа родственного ухода» диэн үөрэх туһунан ыйытыылары социальнай хааччыйыы өрөспүүбүлүкэтээҕи киинигэр маннык аадырыска билсиэххитин сөп: Дьокуускай, Федор Попов уул., 14/6, патронажнай көрүү-истии салаата.
Билсэр төлөпүөн нүөмэрэ: +7 (4112) 40-20-65.
“Талааннаах киһи барытыгар талааннаах” диэн этии оруннааҕын үгүс түгэҥҥэ көрө-истэ сылдьабыт. Былырыыҥҥы “Үрдэл” ырыа бириэмийэтигэр…
Олунньу 1 күнүгэр Арчы дьиэтигэр өрөбүллээҕи Оһуокайбыт үрдүк таһымнаахтык ааста. Куоракка олорор уус алданнар тоҕуоруһан…
“Успуорт сарыыссатынан” ааттанар чэпчэки атлетика аата эрэ “Чэпчэки атлетика”. Дьиҥинэн, успуорт көрүҥнэриттэн биир уустуктара. Ким…
Билиҥҥи кэмҥэ волонтердар көмөлөрө олус улахан суолталаах. Тыһыынчанан волонтердар түмсэн байыаннай дьайыы кыттыылаахтарын өйүүллэр. Бүгүн…
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…