«Сюрприз» — норуоттар икки ардыларынааҕы куонкурус лауреата! 

Дьон-сэргэ кэрэхсэбилин, биһирэбилин ылбыт «Сюрприз» үҥкүү ансаамбыла Санкт-Петербурга ыытыллыбыт «Призвание — Артист» норуоттар икки ардыларынааҕы күөн күрэс лауреатынан буолла.

Күрэс сэтинньи 4-7 күннэригэр ыытылынна. «Сюрприз» биллэриллибит номинацияларга төрдүөннэригэр 1 истиэпэннээх лауреат үрдүк аатын ылары ситистэ уонна «Магия на сцене» анал бириис хаһаайынынан буолла. «Бакалдын», «Рассвет», «Татарскай», «Край северный» төрдүөн дьүүллүүр сүбэ үрдүк сыанабылын ыллылар.

А.Е.Кулаковскай аатынан норуоттар доҕордоһууларын дьиэтин кэлэктиибэ оҕолору уонна үҥкүүгэ үөрэтэр педагогтарын Диана Посельскаяны истиҥник эҕэрдэлииллэр.