Сүүһүнэн киһи «Русский танк Алеша» ырыаны ыллаата

Москваҕа «Арассыыйа» норуоттар икки ардыларынааҕы быыстапка-пуорумҥа хорсун байыастарга анаммыт  «Русский танк Алеша» ырыа ньиргийдэ. Ырыаны сүүһүнэн киһи ыллаата. 

Бу далааһыннаах тэрээһин түһүлгэтигэр биир саамай чаҕылхай түгэнинэн буолла. Ырыаны «Красная звезда» ырыа, үҥкүү ансаамбыла уонна «Голос» шоу финалиһа, Сирияҕа, ЛНӨ, ДНӨ сылдьыбыт, байыаннай дьайыылар кыттыылаахтара Юрий Кононов толордулар. Флешмобка быыстапка ыалдьыттара, кинилэри кытта Ил Дархан Айсен Николаев уонна танкистар — Арассыыйа Дьоруойдара лейтенант Александр Леваков  уонна ефрейтор Алексей Неустроев кытыннылар.

Тэрээһин дьону-сэргэни түмэ тарта. Көрөөччүлэр тэҥҥэ ыллаатылар, дохсун ытыс тыаһынан эҕэрдэлээтилэр. Флешмоб бэртээхэй оһуокайынан түмүктэннэ.

Сиһилии https://www.sakha.gov.ru/news/front/view/id/3377154 манна ааҕыҥ.

СӨ Ил Дархан уонна Бырабыыталыстыба пресс-сулууспата

СИА хаартыската