Хаартыска: 2 №-дээх балыыһа пресс-киинэ
Саамай ыарахан ыарыһахтары эмтииргэ аныгы ньымалар, мэдиссиинэ үрдүк технологиялаах көмөтө, сылга уонунан тыһыынча эпэрээссийэ, сүүһүнэн тыһыынча быыһаммыт олох – маннык механизм Өрөспүүбүлүкэтээҕи 2 №-дээх балыыһаҕа – Суһал мэдиссиинискэй көмө киинигэр сылы, суукканы быһа үлэлиир.
Суһал мэдиссиинискэй көмө киинэ үгүс хайысхаҕа Саха сирин доруобуйатын харыстабылын салаатыгар инники кэккэҕэ иһэр. Манна сайдыы олус көхтөөхтүк барар уонна Ил Дархан Айсен Николаев, СӨ бырабыыталыстыбатын өйөбүллэринэн бары хайысхаҕа саҥа саҕахтар арыллаллар. Кэнники сылларга Суһал мэдиссиинискэй көмө киинигэр үгүс элбэх үлэ ыытылынна, мэдиссиинэ үрдүк технологиятын көмөтүнэн уонунан тыһыынча ыарыһах олоҕо быыһанна.
Уопсайынан, Өрөспүүбүлүкэтээҕи 2 №-дээх балыыһа наадатыгар кэнники икки сылга мэдиссиинэ үрдүк технологиялаах тэриллэрин атыылаһарга 200 мөлүйүөн солкуобай бэриллибитэ. Икки сыл устата 128 Philips inqenuti срезовай көмпүүтэр томограба, доруобуйаны чөлүгэр түһэрэр тренажердар, көһөрүллэ сылдьар УЗИ-аппараат (InnoSight портативнай ультрзвуковай систиэмэ), Zisline MV300 ИВЛ аппарааттара, нейроэндоскопическай тэриллэр, эндоскопическай консоль, эндовидеохирургия уонна пластическай хирургия тэриллэрэ, эпэрээссийэлиир остуоллар уо.д.а. атыылаһылыннылар.
СӨ бырабыыталыстыбатын өйөбүлүнэн, ону таһынан балыыһаҕа мэдиссиинискэй кислороду оҥорорго «Провита 800″ концентратор ылыллыбыта. Бу иннинэ балыыһа кислороду атын эрэгийиэннэргэ сакаастыыра, оттон билигин бэйэ ыстаансыйатыттан тута отделениеҕа бэриллэр буолла.
Өрөспүүбүлүкэтээҕи 2 №-дээх балыыһа бириэмэни кытары тэҥҥэ хардыылыыр уонна бэйэтин кыаҕын улаатыннарар. Ааспыт икки сылга неврология отделениетыгар саҥа ньымалар олоххо киллэрилиннилэр:
-Неврология отделениетыгар мэйиилэригэр хаан баттааһыннаах ыарыһахтарга гастростома эпэрээссийэтэ оҥоһуллар буолла;
-Эндоскопия отделениетыгар быраастар гастростоманы, билиарнай стенд уо.д.а. уураллар.
-Лучевой диагностика киинигэр эмиэ олус элбэх саҥа ньыманы киэҥник туһаналлар.
-Нейрохирургия отделениетыгар рентгенэндоваскулярнай эмтээһин киллэрилиннэ.
-Ожоговай киин Versajet II(гидронож) аппарааттанна.
Өрөспүүбүлүкэтээҕи 2 №-дээх балыыһа билигин — Саха сиригэр мэдиссиинэ суһал көмөтүн оҥорор соҕотох киин. Манна сыл аайы өрөспүүбүлүкэ бары улуустарыттан 15 тыһыынча кэриҥэ ыарахан уонна олус ыарахан туруктаах ыарыһах киирэр. Балыыһа суукканы быһа тохтобула уонна өрөбүлэ суох үлэлиир.
Тимир болгуону уһаарар түһүлгэлэригэр дьахталлары киллэрбэттэр эбит. Онон саха тимир уустара тимир болгуону уһааран таһаарар…
Бу чааска Ил Дархан Айсен Николаев Нерюнгригэ ыытылла турар Олоҥхо ыһыаҕар саха уустарын кытта тимир…
От ыйын 1 күнүгэр Бүлүү оройуоннааҕы суута кафе-бар үлэтин 30 хонукка тохтотор туһунан уурааҕы таһаарда. …
Бу эбийиэктэр “Үтүө дьыала хамсааһын” уонна “СӨ култуураны сайыннарыы” судаарыстыбаннай бырагыраама чэрчилэринэн киириэхтэрэ. Дьааҥы улууһун…
Бу күннэргэ социальнай ситимҥэ Дьокуускай куоракка Можайскай уулуссаҕа биир эр киһи массыыналаах киһини охсуталыыр видеота…
Ис дьыала министиэристибэтин Чурапчытааҕы дьуһуурунай чааһыгар маҕаһыын хаһаайыныттан сайабылыанньа киирбит. Ол курдук маҕаһыыныттан 77 000 …