Сүүйүүлээх оонньууга оонньоору эрбиини төнүннэрбэтэх…

Арассыыйа ИдьМ Нам улууһунааҕы чааһыгар үҥсүү киирбит. Эдэр киһи 30 тыһыынча суумалаах эрбиини уларсан баран төнүннэрбэтэх. Өссө сибээскэ тахсыбат, кэпсэппэт буолбут.

Ону тутатына бэрэбиэркэлээн, ол эдэр киһи ыалларыттан сураһан билбиттэрэ, бу 27 саастаах киһи сүүйүүлээх оонньуунан умсугуйарын билбиттэр. Икки хонукка эрбиини уларсабын диэн баран тута комиссионнай маҕаһыыҥҥа туттарбыт. Ылбыт 6 тыһыынча солкуобайын эмиэ оонньууга ыыппыт.
«Түөкүннээһин» диэн РФ 159 ыстатыйатынан холуобунай дьыала тэриллибит. Уорбаланааччы ханна да барыам суоҕа диэн илии баттаабыт.