Хаартыска: ааптар түһэриитэ
Сибээс билиҥҥи олоххо тыын суолталаах буолан турар. Ол нөҥүө уотунан хааччыллыы, тиэхиньиичэскэй эбийиэктэр, тырааныспар, уустук систиэмэ үлэтэ, о.д.а. барыта салаллар.
Бүгүн “Сыыппара алмааһа” пуорумҥа федеральнай суоллары суотабай сибээһинэн хааччыйыы туһунан кэпсэттилэр. Сиэссийэҕэ МТС, Билайн, Ростелеком, “Саха сирин тимир суоллара” хампаанньа салайааччылара тугу үлэлээбиттэрин, туох былааннаахтарын, туох кыһалҕалар баалларын, ону туоратар кыахтары дьүүллэстилэр.
Анатолий Семенов, СӨ бырабыыталыстыбатын бэрэссэдээтэлин солбуйааччы: “Биһиги сэттэ сыл иһигэр Сааскылаахха, Эдьигээҥҥэ, Хонууга, Өлөөҥҥө сибээһи киллэриигэ улахан үлэни оҥордубут. Бэҕэһээ РФ бырабыыталыстыбатын бэрэссэдээтэлэ Михаил Мишустин биһиэхэ улахан наадалаах, аан дойду таһымнаах бырайыакка федеральнай үбү биэрэр туһунан дьаһалга илии баттаата. Ол курдук 2028 сылга хоту сытар улуустар нэһилиэктэрэ, олор кииннэрэ Баатаҕай, Чокурдаах, Хонуу, Орто Халыма, Черскэй, Тиксии бөһүөлэктэр түргэн интэриниэккэ холбонуохтара, салгыы Чукоткаҕа тахсыахпыт, цифровой тэҥэ суох буолуу бүтүөҕэ.
Бүгүҥҥү панельнай сиэссийэҕэ өссө биир наадалаах боппуруоһу, федеральнай суоллары кыйа сибээс лиинийэтин тутууну, тиэхиньиичэскэй өттүн, үбүлээһинин дьүүллэстибит. Итинник бырагыраама баар, биһиги 2019 сылтан итиннэ киирсэ сатыыбыт. Хомойуох иһин, биһиги федеральнай суолларбыт сибээһинэн бүрүллүбэккэ тураллар, кыра-кыра учаастактарга эрэ баар. Сөбүлэһии быһыытынан федеральнай суотабай эпэрээтэрдэр 2032 сылга диэри федеральнай суоллары сибээһинэн хааччыйыахтаахтар. Ону оҥороллоругар технологическай барьердар бааллар, холобур “Лена”, “Бүлүү”, “Халыма” трассалар устун барытыгар уот суох. Ол гынан баран ити кыһалҕаны быһаарыахха сөп. Ол кистэлэҥэ судургу: баар кыаҕы түмүөххэ наада. Биһиги урут да итинник үлэлии олорбуппут: улуустарга, эрэгийиэҥҥэ, федеральнай кииҥҥэ баар кыахтары холбоон үлэлиирбит, биисинэһи, корпорациялары кытыарарбыт. Итинник үлэлээтэххэ, тимир суолга да, “Лена” суолга да сибээс тэҥинэн баар буолуо.
Ол иһин “Сыыппара алмааһа” пуорумҥа бөдөҥ федеральнай суотабай сибээс хампаанньаларын, космическай сибээс, орбитальнай, муоратааҕы сибээс, Ростелеком, “улахан түөртэр” салайааччылара кэлэн, балаһыанньаны үрдүттэн көрөллөрө олус наада. Оччоҕо эрэ ыраах суола-ииһэ суох сирдэргэ сибээс хайдах курдук наадалааҕын өйдүүллэр”.
Тохсунньу 25 күнүгэр Арчы дьиэтигэр өрөбүллээҕи Оһуокайбыт буолла. Бүгүҥҥү алгыстаах Оһуокай Сунтаар улууһугар ананна. Сунтаар…
600-тэн тахса киһи олорор Мытаах нэһилиэгэр “Аартык”, “Дүөдэ”, “Дьөлөккөн” түөлбэлэр бааллар. Күннэтэ олохпут уларыйар, сайдар…
Дьокуускай куорат 13 нүөмэрдээх оскуолатыгар Арассыыйаҕа Аҕа дойдуну көмүскээччи, Саха сиригэр Ийэ дойдуну көмүскээччи сылларын…
2025 сыллаахха олунньу саҥатыгар СӨ бырабыыталыстыбата өрөспүүбүлүкэҕэ 2030 сылга диэри туризмы сайыннарыы стратегиятын бигэргэппитэ. …
Үөһээ Бүлүү улууһун Өргүөт нэһилиэгин олохтоохторо байыаннай дьайыыга сылдьар хорсун буойуттарын өйүүллэр, кинилэр үтүө көмөлөрө…
Билии чыпчаалын баһылаабыттар ааттара билиннэ. "Кубок знатоков наслега" түмүктэннэ! Бу туһунан биһиэхэ Өспөхтөн бибилэтиэкэр Сайыына …