«Сыыппара алмааһа» пуорумҥа технологическай уларыйыылар уопутун туһунан кэпсиэхтэрэ

«Сыыппара алмааһа» пуорум дьиҥнээх саха кыһынын кытта билсэргэ уонна саҥа технологиялар киинигэр киирэргэ кыаҕы биэрэр.

Сэтинньи 27-29 күннэригэр, үс күн устата, кыттааччылар эрэгийиэннэр технологическай уларыйыыларын (трансформацияларын) бастыҥ уопуттарын кытта билсиэхтэрэ, киһи олоҕун бары эйгэтигэр сыыппара быһаарыыларын туһаныыга уопуттарын кытта атастаһыахтара.

Саха Өрөспүүбүлүкэтин технологическай трансформациятын болҕомтотун киинигэр бүгүн – киһи уонна эрэгийиэн оҥорбут технологическай экосистематыгар олоххо киирэр айар кыаҕа турар. Пуорум бэйэтин былаһааккатыгар сыыппара экэниэмикэтин лидердэрин, IT-индустрия бастыҥ эспиэрдэрин мунньуоҕа.

«Сыыппара алмааһа» тэрийээччилэрэ дойду 70 эрэгийиэниттэн 2000-тан тахса кыттааччы, ону тэҥэ Кытайтан, Индияттан, Казахстантан уонна Узбекистантан исписэлиистэр кыттыахтара диэн күүтэллэр.

Пленарнай мунньах тиэмэтэ – «Уһук Илин сыыппара сайдыыта – дойду приоритета», онно Арассыыйа Хотугулуу-Илиҥҥи өттүн сайдыытыгар сыыппараҕа киирии, сибээс уонна пилота суох авиация сайдыытын дьайыытын боппуруостарын ырытыахтара. Бары сессиялар трансляциялара пуорум официальнай саайтыгар, телеграм-ханаалыгар уонна «ВКонтакте» социальнай ситимҥэ страницатыгар тахсыахтара.

Пуоруму үгэс быһыытынан Саха сирин бырабыыталыстыбата, Саха Өрөспүүбүлүкэтин Инновацияҕа, сыыппара сайдыытыгар уонна инфокоммуникационнай технологияларга министиэристибэтэ, Саха Өрөспүүбүлүкэтин Сайдыытын Корпорацията, Сыыппара контенын сайыннарар пуонда, «Якутия» венчурнай хампаанньата, Саха Өрөспүүбүлүкэтин Инновациятын сайыннарар пуондата, Өрөспүүбүлүкэтээҕи инфокоммуникационнай технологиялар кииннэрэ, «Якутия» технопарк тэрийэллэр.