Сыыппаралаах харчы киирэрин туһунан сурах төһө оруннааҕый?

Биэнсийэни сыыппаралаах солкуобайынан ылартан аккаастанарга сайабылыанньа суруйар наадатын туһунан сымыйа иһитиннэрии социальнай ситимнэринэн эмиэ тарҕанна.

Саха сиринээҕи  социальнай пуонда отделениета сыыппаралаах солкуобайга көһөртөн аккаастанар туһунан сайабылыанньаны биэрии ирдэниллибэтин туһунан иһитиннэрдэ.

«Билигин  биэнсийэни сыыппаралаах харчынан биэрии сокуонунан көрүллүбэт. РФ биэнсийэ төлөбүрүн туһунан билиҥҥи сокуонугар  биэнсийэни төлөөһүн уонна тириэрдии  балаһыанньалара барыта уруккунан хааллылар”, — диэн отделениеҕа иһитиннэрдилэр.

Билигин биэнсийэни тириэрдии икки көрүҥэ баар:

-хардарыта бииргэ үлэлээһин туһунан сөбүлэһии  түһэрсиллибит бааныҥ нөҥүө – “Мир” төлөбүр национальнай систиэмэтин каартатын счетугар түһэрии нөҥүө;

-почта федеральнай сибээһин нөҥүө – олорор сиргинэн почтаҥ отделениетынан эбэтэр почтальон дьиэҕэр аҕалан биэрэр.

«Онон сибээстээн, сыыппаралаах солкуобайтан аккаастанар туһунан анал сайабылыанньаны суруйар уонна социальнай пуонда сулууспаларыгар илдьэр наадата суох.  Сыыппаралаах солкуобай – Арассыыйа бааныгар таһаарыллыахтаах солкуобай сыыппаралаах көрүҥэ.

Арассыыйа баана иһитиннэрэринэн, биэнсийэлээх киһи сыыппаралаах кумааһынньыгы (сыыппаралаах солкуобай суотугар) бэйэтин баанын мобильнай сыһыарыытын нөҥүө бэйэтэ эрэ аһар кыахтаах. Сыыппаралаах кумааһынньык эн көҥүлэ суох кимиэхэ да бэйэтэ аһыллыбат”, — диэн биэдэмэстибэҕэ иһитиннэрдилэр.

СӨ Ил Дарханын уонна бырабыыталыстыбатын пресс-сулууспата