Хаартыска: ааптар
Креативнай индустриялар норуоттар икки ардыларынааҕы пуорумнарын иккис күнүгэр тыйаатыр, ускуустуба инники кэскилин туһунан кэпсэтии, мөккүһүү, санаа үллэстиитэ буолла.
Ол эбэтэр сыыппаралаах технологиялар аныгы тыйаатырга хайдах дьайалларын, үгэс буолбут уонна аныгы тыйаатыр туох уратылааҕын, тутулуга суох тыйаатыр диэн тугун, эдэр көрөөччүнү тыйаатырга ыҥырарга өссө ханнык ньымалар туһаныллыахтарын сөбүн уо.д.а. туһунан спикэрдэр кэпсэтиилэрэ бэрт сэргэхтик барда.
Бастатан туран, сыыппаралаах технологиялар тыйаатыр былаһааккаларын өссө кэҥэтэргэ, көрөөччүнү элбэтэргэ уонна репертуары байытарга туһалаах буолуоҕун ыйдылар.
“Театр и перформанс в эпоху цифровых трансформаций: как технологии меняют сцену и зрительский опыт” сиэссийэ спикэрдэрэ — Моrpheus иммерсивнай тыйаатыр генеральнай дириэктэрэ Егор Хлыстов, СӨ култуураҕа уонна духуобунай сайдыыга миниистирин солбуйаачы Марина Силина, Гуманитарнай быраактыкалар федеральнай кииннэрин эспиэрэ Яна Боднева. Ону сэргэ, “Театр После” төрүттээччи, тыйаатыр боруобалыыр бырайыактарын ааптара, режиссер Антон Калиниченко видео-сибээһинэн кытынна.
Яна Боднева Гуманитарнай быраактыкалар федеральнай кииннэрин соругунан ыччакка гуманитарнай билиини бырактыычаскай хайысхалаах бырайыак нөҥүө тириэрдии буоларын, ону олоххо киллэрэрэ устудьуоннары кытыннарыллыахтааҕын ыйда.
Спикердэр эппиттэринэн, тыйаатыр – олоҕор туох эрэ уопуту ылар бириэмэтэ.
Саха сирэ уон тыйаатырдааҕыттан бары кэриэтэ аан дойду таһымыгар билиниллибит, ыҥырыыга сылдьар тыйаатырдар. Онуоха тыйаатыр туруоруулара эрэ кэрэхсэнэринэн буолбакка, тыйаатырдар олоҕу кытта тэҥҥэ хардыылаан уонна инникини көрөн үлэлииллэрэ болҕомтоҕо ылыллар. Холобур, Юрий Платонов аатынан Эстрада судаарыстыбаннай тыйаатыра испэктээги QR-куод нөҥүө (синхроннай тылбаас, экраҥҥа көстөр тылбаас нөҥүө буолбакка) тылбаастаан көрөөччүгэ тириэрдэрин тыйаатыр дириэктэрэ Татьяна Чаранская билиһиннэрдэ.
Сиэссийэни сүрүннээн ыыппыт Олоҥхо тыйаатырын төрүттээччи, СӨ Култуураҕа уонна духуобунай сайдыыга министиэристибэтин геокултуурунай сайдыы институтун генеральнай дириэктэрэ Андрей Борисов: “Тыйаатырга сыыппаралаах технологиялар нөҥүө өрөбөлүүссүйэ кэмнэрэ кэллилэр. Итинтэн биһиги тыйаатырдарбыт хаалсыбаттарын сөҕөбүн (баҕар, кыратык хаалаллара эрэ буолуо), кинилэр сөптөөх хайысханы тутуһаллар. Сүрүнэ – ис куолаһы сүтэримиэххэ наада”, — диэн бүгүҥҥү сиэссийэҕэ кэпсэтии суолтатын тоһоҕолоото.
Бу нэдиэлэҕэ Сатурн уонна Нептун планеталар утарыта туруулара күүһүрүө. Ол аата, баҕа санаабыт уонна олох…
Саха сирин синоптиктарын сабаҕалааһынынан, бүгүн, ахсынньы 8 күнүгэр, өрөспүүбүлүкэ үгүс өттүгэр хаардыыр. Бу туһунан Саха…
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…