Хаартыска: Андрей Сорокин. СИА
Арассыыйаҕа биир кэлим куоластааһын күнүгэр, балаҕан ыйын 8 күнүгэр, сүүрбэттэн тахса эрэгийиэҥҥэ губернатордары талыахтара, ону таһынан Судаарыстыбаннай Дуумаҕа, эрэгийиэннэр парламеннарыгар, муниципальнай тэриллиилэригэр быыбардар ыытыллыахтара.
Кэлэр нэдиэлэ бүтүүтэ Арассыыйа үгүс эрэгийиэнигэр хас да таһымнаах быыбардар ыытыллаары тураллар. Сүүрбэ биэс эрэгийиэҥҥэ губернатор, уон үс эрэгийиэҥҥэ парламент быыбардара буолуохтара, Судаарыстыбаннай Дуумаҕа Хакасияттан, Брянскай уонна Ростов уобаластарыттан эбии дьокутааттар талыллыахтара. Маны таһынан, буоларын курдук, Арассыыйа үрдүнэн муниципальнай быыбардар ыытыллыахтара.
Былырыын балаҕан ыйыгар эмиэ сүүрбэттэн тахса эрэгийиэҥҥэ губернатордар быыбардара буолбута. Ол иһигэр дойдубут киин куоратын мэра, Москва уобалаһын губернатора талыллыбыттара. Оттон Сахабыт сиригэр биһиги былырыын Ил Дархаммытын, норуот дьокутааттарын талбыппыт, ону сэргэ хас да улууска муниципальнай быыбардар ыытыллыбыттара.
Быйыл саас кулун тутарга дойдубут биир саамай улахан быыбара – бэрэсидьиэн быыбара – буолбута. Владимир Путин бэрэсидьиэнинэн талыллаат, бырабыыталыстыбатын уларыппыта. Хас да эрэгийиэн салайааччытын бырабыыталыстыба саҥа састаабыгар киллэрбитэ. Онон бу буолаары турар куоластааһыҥҥа Курскай уобалаһыттан ураты Калининград, Кемеров, Тула уобаластарыгар, Хабаровскай кыраайга болдьоҕун иннинэ саҥа губернатордарын талыахтара. Курскай уобалас губернатора быйылгынан үлэтин болдьоҕо бүтэр этэ. Ону таһынан Самара уобалаһын губернатора Арассыыйа бэрэсидьиэнин ыйааҕынан үлэтиттэн эрдэ тохтоон, манна эмиэ болдьоҕун иннинэ быыбар буолуоҕа.
Губернатордар быыбардарыгар сүүрбэ биир эрэгийиэҥҥэ салайааччыларын нэһилиэнньэ быһаччы куоластаан талыаҕа. Оттон түөрт эрэгийиэҥҥэ, Ханты-Мансийскай автономнай уокурукка, Кабардино-Балкария, Ингушетия, Крым Өрөспүүбүлүкэлэригэр, парламент иһиттэн губернатордарын талыахтара.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…