СӨ Үрдүкү суудун хаартыската.
Апелляциялыыр кэллиэгийэ Таджикистантан сылдьар 55 саастаах эр киһиэхэ уонна эрдэ сууттана сылдьыбыт Саха сириттэн төрүттээх 38 саастаах дьахтарга бириигэбэр таһаарбытын туһунан СӨ Үрдүкү суудун пресс-сулууспата иһитиннэрэр диэн СИА суруйар.
2003 сыллаахха алтынньы 1 күнүттэн ахсынньы 16 күнүгэр диэри оччолорго 35 саастаах Таджикистан олохтооҕо Дьокуускай куоракка Ярославскай уулусса 19 нүөмэригэр баар дьиэҕэ кыбартыыра куортамнаан олорбут. Кинини кытта 18 саастаах Саха сирин олохтооҕо кыыс олорсубут.
Кыбартыыра хаһаайкатын албынныыр санааттан, бииргэ аһыы олороннор дьиэтин атыылаабытын туһунан дуогабарга илии баттата сатаабыттар. Дьахтар кыккыраччы аккаастаммытыгар бу дьон атын былааны толкуйдаабыттар.
Ол курдук, аны дьахтары санаторийга сынньана бар диэн, кыбартыыратыттан албыннаан таһаарбыттар уонна массыынаҕа хабарҕалаан өлөрбүттэр. Дьахтар өлүгүн Тихонов уулуссатыгар турар быраҕыллыбыт гараастар аттыларыгар баар аппаҕа кистээбиттэр.
Онтон өлөрүөхсүттэр дьахтар аатыгар Новосибирскайга барбыт билиэт атыыласпыттар, ыаллыы олорор дьоҥҥо олорор сирин уларыппытын туһунан эппиттэр.
Сокуона суохтук бас билбит кыбартыыраларын өрөмүөннээбиттэр, дьахтар барахсан малын-салын быраҕаттаабыттар уонна дьиэни атыылаабыттар.
Сотору соҕус буолан баран, бу паара Таджикистаҥҥа куоппут. Кинилэри былырыын, 2022 сыллаахха Москваҕа туппуттар.
Онуоха эр киһи буруйун билиммэтэх, оттон дьахтар билиммит. Кини өссө үһүс киһи эмиэ бу дьыалаҕа кыттыгастааҕын этэн биэрбит. Ол эрээри ол киһи өлбүт буолан, кини утары холуобунай дьыала сатаан тэриллибэтэх.
Апелляциялыыр кэллиэгийэ эр киһини кытаанах эрэсиимнээх холуонньаҕа 15 сылга, оттон дьахтары уопсай эрэсиимнээх холуонньаҕа 7 сылга хаайарга уураахтаабыт.
Үөрэх үлэһиттэрин атырдьах ыйынааҕы мунньаҕа, ааспыт сыллары кытта тэҥнээтэххэ, тус бэйэм санаабар, ордук кыһалҕалааҕынан, итиэннэ…
Саха сирин синоптиктара балаҕан ыйын 1 күнүгэр былыттаах, сөҥүүтэ суох күнү-дьылы билгэлииллэр. Күн-дьыл хайдах буолуоҕун…
Киэҥ нэлэмэн хонуу ортотугар араас тиэхиньикэнэн оттуу сылдьар дьону утары көрбүтүнэн тиийдим. Бастаан утаа “уолаттарбын…
Тренд, муода барыта батысыһыылаах уонна ардыгар иэдээннээх буолар. Ол курдук, самокаттан саҕаламмыт муода аны питбайк…
Социальнай ситимнэринэн уонна сорох СМИ-нэн балаҕан ыйыгар оскуолалар коронавирус саҥа «Стратус» штамма тарҕаныыта үрдээбититтэн дистанционнай…
Бүгүн, Арассыыйа бэтэринээрин күнүгэр, бэйэлэрин олохторун бэтэринээрийэ салаатыгар анаабыт дьону ахтан-санаан ааһабыт, үлэлии-хамсыы сылдьар исписэлиистэри…