Сыырдаах саҥа оскуолаланна

Бэҕэһээ, муус устар 7 күнүгэр, Уус Алдаҥҥа Сыырдаах олохтоохторугар үөрүүлээх күн буолла.

Манна 120 оҕо үөрэнэр оскуолата «Тыа сирин кэлимник сайыннарыы» бырагырааманан тутуллан үлэҕэ киирдэ.

Оскуола наадалаах тэрилинэн хааччыллыбыт хайыһар баазалаах. Кыһа сирэ-уота успуордунан дьарыктанарга икки былаһааккалаах, үөрэнээччилэр сайынын оҕуруот аһын үүннэрэллэригэр учаастактаах. Доруобуйаларынан хааччахтаахтар сылдьалларыгар табыгастаах буоларыгар анаан пандустаах.

Оскуола дириэктэрэ Диана Неустроева эбии дьарык бөлөҕөр үөрэнэр бастакы кылаас оҕолоругар анал утуйар сир көрүллүбүтүн, методическай, оонньуур хостор баалларын бэлиэтээтэ.

Санатан эттэххэ, оскуоланы тутуу манна 2021 сылтан саҕаламмыта. Бу 1972 сыллааҕы кыһа оннугар тутулунна. Бэдэрээччит «СТК» хампаанньа.

СӨ Ил Дарханын уонна Бырабыыталыстыбатын пресс-сулууспата.