Сыырдаах сэлиэнньэтин эргэ оскуолатыгар баһаар буолбут

Бэҕэһээ, атырдьах ыйын 27 күнүн киэһэтигэр, Уус Алдан улууһун Сыырдаах сэлиэнньэтин эргэ оскуолатыгар баһаар буолбут.

“Уус Алдан улууһун Сыырдаах сэлиэнньэтин эргэ оскуолатыгар баһаар буолла. Дьиэ 1947 сыллаах тутуу, 1982 сылтан туһаныллыбат.

Күн бүгүн Сыырдаах сэлиэнньэтигэр 2022 сыллаахха “Тыа сирин кэлимсэтик сайыннарыы” (“Комплексное развитие сел”) бырагырааманан тутуллубут саҥа оскуола үлэлиир. Баһаар тахсыбыт сириттэн туспа турар.

Билиҥҥитэ балаһыанньаны миэстэтигэр ЫБММ сулууспатын үлэһиттэрэ хонтуруоллууллар. Сыырдаах сэлиэннньэтигэр Уус Алдан улууһун үөрэҕин управлениетын салалтата тиийиэҕэ” диэн Үөрэх уонна билим министиэристибэтин телеграм-ханаалыгар суруйаллар.