«Сыыртан сырылыыр бэртээхэй!»

Share

Бүгүҥҥүттэн Дьокуускайга 202-с түөлбэҕэ өрүс боротуохатыгар баар Хаар-муус паарка үлэтин саҕалаата. 

Хаартыска: А.Васильева.

Саҥа аһыллыбыт буолан, киһи аҕыйах. Биир уолчаан үөрэ-көтө сыыртан сырылыы сылдьарын көрсөн, ыйыталастыбыт. Давид манна төрөппүттэрин кытта кэлбит. «Бүгүн Хаар-муус паарка аһыллар үһү» диэн ийэтэ эппит, ону көтүппэтэхтэр.

— Мин улахан сыыртан соҕотоҕун сырылаатым. Наһаа-наһаа түргэн этэ, сирэйбэр хаар ыһыллыбыта. Өссө хороон курдук муус сыыр баар, онтон сырылаатым. Муустан эриэн үөнү оҥорбуттарын көрдүм. Манна сылдьарбын олус сөбүлүүбүн, наһаа үчүгэй! Былырыын эмиэ дьиэ кэргэнинэн куруук сылдьар этибит, — диэн уолчаан кэпсээтэ.

Санатар буоллахха, саамай улахан сыыр 200 миэтэрэ уһуннаах. Киэһэ уота-күөһэ дьиримнээн, сырылыырга бэртээхэй буолар.

Хаартыска: А.Васильева.

Оттон Афанасий Анисимов былырыын саас манна эмиэ инструкторынан үлэлээбит. Хараабыл курдук быһыылаах кыра сыырга үлэлиир.

— Оҕолору сыыртан түһэллэрин көрөбүн, көмөлөһөбүн, быһаарабын. Куттала суох буолууну хааччыйабын. Бу кыра сыырдар оҕолорго аналлаахтар. Сарсыарда 9 чаастан киэһэ 11 чааска диэри үлэлиибит. Күнү быһа турбаппыт, симиэнэнэн уларытыһа сылдьабыт. Сибиэһэй салгыҥҥа үлэлиир үчүгэй. Тоҥнохпутуна, киирэн иттэбит, ол эрээри киһи халыҥнык таҥыннаҕына, тоҥмот, — диэн кини кэпсээтэ.

Мантан саас халлаан  сылыйан, күн уһаан, киһи эрэ таһырдьа көй салгыҥҥа тахсан оонньуон, сыыртан сырылыан, хаҥкылаан дайыан баҕарар. Онуоха Хаар-Муус паарка аана аһаҕас. Билиэт сыаната улахан дьоҥҥо — 600 солкуобай, оҕолорго — 400 солкуобай, кыра оҕолор босхо сылдьаллар. Паарка сарсыарда 11 чаастан киэһэ 11 чааска диэри үлэлиир.

Бүгүн киэһэ 8 чаастан паарка аһыллыытыгар салют ытыахтара.

 

Хаартыска: А.Васильева.

 

Recent Posts

  • Сонуннар
  • Спорт

Дьокуускайга тымныы уунан маассабайдык куттуу аахсыйата ыытыллыаҕа

Дьокуускайга олунньу 22 күнүгэр "Быть здоровым -- это модно!" диэн 14-с төгүлүн ыытыллар Норуоттар икки…

11 часов ago
  • Култуура
  • Сонуннар

31-с оскуолаҕа алгыстаах Оһуокай

Педагогическай наука кандидата Елизавета Петровна Гуляева ыҥырыытынан, Ийэ тыл күнүгэр Дьокуускай куорат 31 нүөмэрдээх орто…

11 часов ago
  • Сонуннар
  • Спорт

Аина Моисеева Узбекистаҥҥа «Большой шлем» күрэхтэһиитигэр кыттыаҕа

Саха сирин сүүмэрдэммит хамаандатын дзюдоистката Аина Моисеева Ташкент куоракка ыытыллар «Большой шлем» күрэхтэһиигэ дойду сүүмэрдэммит…

11 часов ago
  • Сонуннар
  • Сүрүн

«Мэхээлэчээн булчут» киинэ официальнай постера таҕыста

Тимофей Сметанин уонна Яков Стручков кэпсээннэринэн уһуллубут "Мэхээлэчээн булчут" киинэ кулун тутар 19 күнүттэн улахан…

11 часов ago
  • Байыаннай эпэрээссийэ
  • Сонуннар

Волонтердар үлэлэрин тэрийиигэ методическай ыйынньык таҕыста

Бүгүн, олунньу 13 күнүгэр, Дьокуускай куоракка «Патриот» ыччат киинигэр оҕону, ыччаты патриотическай иитиигэ улахан суолталаах…

11 часов ago
  • Байыаннай эпэрээссийэ
  • Чэгиэн

Байыаннай дьайыы байыастарын ийэлэригэр «Искусство терапиятын» ыыталлар

Саха сирин психологтара байыаннай дьайыы кыттыылаахтарын ийэлэрин өйүүргэ туһуламмыт «Искусство терапията» диэн саҥа бырайыагы саҕалаатылар.…

11 часов ago