Сүүрүк аттары сылыктааһын

Сүүрүк аттары сылыктааһын туһунан хаһан эмэ истибитиҥ дуо? Саха ыалын халандаарыгар бу туһунан суруйан тураллар.

Сүүрүк сылгы үрдүгэ уонна устата тэҥ сыһа буолуохтаах.

Бэрбээкэйэ көнө, илин нөрүөннээх, атыннык эттэххэ үрдүк арҕастаах, холо көстүүлээх, оччотугар илин өттө күүстээх.

Моонньо уһун, синньигэс соҕус, ону эрэһэ моойдоох дэнэр.

Уҥуох төбөлөөх. Оттон эт төбөлөөх буоллаҕына, хаһыы сылгыта, эбэтэр атыырга да барар.

Сүүрүк сылгы хараҕа киэҥ, кулгааҕын өргөһө сытыы.

Сыҥааҕын анна билгэлэнэр: киэҥ буолуохтаах, төбөтүн хоолдьугун тутан-хабан көрөҕүн.

Туйаҕа тып-тап курдук, олус саллайбатах-баллайбатах, туруору буолар. Саха сылгытын туйаҕа дьоҕус диэн бэлиэтээбиттэр.

Кутуруга уонна сиэлэ убаҕас соҕус.

Такыма сулбугур, такыр буолуо суохтаах.

Өттүгүн баһыттан биилэ кыараҕас буолуохтаах.

Сүүрүк буолар сылгы түүтэ-өҥө ыраас, бэйэтэ чэбэр.

Саха ыалын халандаарыттан, 2007 с.