Сүүрүүк Артур Бурцев Арассыыйа чөмпүйэнээтигэр боруонса мэтээли ылла

Саха сириттэн төрүттээх Артур Бурцев 15 км сүүрүүгэ Арассыыйа чөмпүйэнээтигэр боруонса призер буолары ситистэ. Күрэхтэһии балаҕан ыйын 6 күнүгэр Ханты-Мансийскай автономнай уокурукка ыытылынна диэн ЯСИА суруйар.

15 км сүүрүүгэ Арассыыйа чөмпүйэнээтэ Когалымнааҕы полумарафону кытта тэҥҥэ ыытылынна. Артур Бурцев биэтэккэ 46 мүнүүтэ 2 сөкүүндэ көрдөрүүлээх кэлэн, үһүс буолла.

Артур Бурцев — Уус Алдан улууһуттан төрүттээх спортсмен, Манчаары оонньууларын уонна Саха сирин норуоттарын спортивнай оонньууларын хас даҕаны төгүллээх чөмпүйүөнэ.