Сүүрүүк аты сокуоннайа суохтук атыылаһан сууттаныаҕа

Таатта оройуоннааҕы борокуратуурата Таатта улууһун баһылыгын бастакы солбуйааччынан үлэлээбит киһи холуобунай дьыалатын түмүктээтэ диэн СӨ Борокуратууратын пресс-сулууспата иһитиннэрэр.

Силиэстийэ дааннайдарынан, 2021 сыл ыам ыйыгар буруйданааччы Таатта улууһун баһылыгын бастакы солбуйааччынан үлэлии сылдьан сокуоннайа суохтук оройуон бүддьүөтүн туттубут. Кини 1,5 мөл.солк. кээмэйдэээх 50 сылгы киирэр далы тутууга фермерскэй хаһаайыстыба баһылыгын кытта фиктивнэй сөбүлэҥи түһэрсибит. Бу далга Горнай улууһугар ыытыллыбыт «Манчаары оонньууларыгар» кыттарга сүүрүүк аты атыылаһан киллэрээри гыммыт.

Бу ыйыллыбыт харчыттан 1 мөл.солк. Краснодарскай кыраайтан «Джонни Барс» диэн ааттаах сүүрүүк аты атыылаһыыга барбыт. Онтон сууматтан хаалбыт харчы аты Дьокуускайга диэри аҕаларга, туруорарга уонна күрэхтэһиигэ бэлэмнииргэ барбыт.

Салгыы бу ат атаҕын эчэппитин кэнниттэн оройуон дьаһалтатын балаансатыгар турбатах, наадата суоҕунан Забайкальскай кыраайга баар сылгыһыкка ыытыллыбыт.

Холуобунай дьыаланы борокуратуура суукка ыыппыт.

Силиэстийэ кэмигэр сүүрүүк аты ылан, суут быһаарыныыта тахсыар диэри эппиэтинэстээх харайыыга ыыппытар.