Хаартыскалар Дьокуускай куорат дьаһалтатын пресс-сулууспатыттан
Дьокуускай куорат баһылыгын харыйатыгар сүүс бастыҥ үөрэнээччигэ истипиэндьийэлэр туттарылыннылар.
Саҥа дьылы көрсө, ахсынньы 25 күнүгэр, Ю.А.Гагарин аатынан култуура уонна ускуустуба киинигэр, Дьокуускай куорат баһылыга үөрүүлээх быһыыга-майгыга киин куорат сүүс бастыҥ үөрэнээччитин эҕэрдэлээтэ. Бу долгутуулаах тэрээһиҥҥэ Дьокуускай куорат Дууматын бэрэссэдээтэлэ Альберт Семенов, Дьокуускай куорат баһылыгын солбуйааччы Наталья Степанова, Дьокуускай куорат дьаһалтатын үөрэххэ управлениетын начаалыньыга Мария Петрова уонна куорат дьаһалтатын култуураҕа уонна духуобунай сайдыыга управлениетын начаалынньыга Индира Ли кыттыыны ыллылар, истиҥ-иһирэх тылларын оҕолорго тиэртилэр.
Тэрээһиҥҥэ мустубут оҕолору норуоттар икки ардыларынааҕы, Арассыыйатааҕы, эрэгийиэннээҕи күрэстэргэ, үөрэххэ, успуорка, айар уонна уопсастыбаннай үлэҕэ, волонтердааһыҥҥа үрдүк ситиһиилэринэн эҕэрдэлээтилэр. Бу ураты долгутуулаах күн мэр Евгений Григорьев Дьокуускай куорат баһылыгын истипиэндьийэлэрин ытыс тыаһыгар доҕуһуоллатан туттартаата.
Эҕэрдэ тылыгар кини үөрэнээччилэр оскуолаларын, куораттарын, өрөспүүбүлүкэлэрин чиэһин научнай-практическай кэмпириэнсийэлэргэ, Бүтүн Арассыыйатааҕы олимпиадаларга, спортивнай күрэхтэһиилэргэ үрдүк таһаарыылаахтык көмүскүүллэрин, уопсастыбаннай үлэҕэ уонна волонтердааһыҥҥа көхтөөхтүк кытталларын бэлиэтээтэ.
«Ааһан эрэр 2023 сылга биһиги болҕомтобут учууталлар үрдүк ааттарыгар эрэ буолбакка, педагогтары уонна үөрэнээччилэри өйүүргэ эмиэ уурдубут. РФ Бэрэсидьиэнэ В.Путин кэлэр сылы Арассыыйаҕа Дьиэ кэргэн сылынан, Ил Дархан Айсен Николаев Саха сиригэр Оҕо сылынан биллэрдилэр. Манан сибээстээн, биллэн турар, оҕолор көҕүлээһиннэрин, үөрэх уонна култуурунай бырагыраамалары өйүүргэ туһуламмыт үлэ күүһүрүөҕэ«, — диэн бигэргэттэ Евгений Григорьев.
Маны таһынан, куорат баһылыга олох уустук балаһыанньатыгар түбэспит оҕолору кытары үлэ салҕаныаҕын уонна күүһүрүөҕүн бэлиэтээтэ.
Дьокуускай куорат баһылыгын харыйатыгар, биллэр-көстөр ырыаһыттар уонна үҥкүү кэлэктииптэрэ кыттаннар бырааһынньыгы ситэрэн-хоторон биэрдилэр.
Дьокуускай куорат дьаһалтатын пресс-сулууспата
Василий Галузаны баһылыгынан талыы олохтоохтор байыаннай дьайыы кыттыылаахтарын өйүүллэрин туоһулуур. Кинилэр бүгүн лидердар, салайааччылар. …
"ОДьКХ" ГУП 23 тыһыынча дьиэҕэ ититиини киллэрбит. Маны таһынан тыһыынчаттан тахса социальнай эбийиэктэр, олор истэригэр оскуолалар,…
Силиэстийэлиир кэмитиэт Халыматааҕы оройуоннар икки ардыларынааҕы силиэстийэлиир отдела РФ Холуобунай кодексын 30 ыст. 3 ч. …
Бүгүн Үөһээ Бүлүү улууһун Үөдүгэй сэл. биир умнуллубат, бэлиэ күн буолан ааста. Ол курдук Механизаторскай…
Ааспыт сыл муус устар ыйыгар өрөспүүбүлүкэ олохтооҕо дьахтар "Хатас" ТХПК туһаайыытынан икки сир уһаайбатын атыыласпыт.…
Арассыыйа Силиэстийэлиир кэмититэтин бэрэссэдээтэлэ Александр Бастрыкин Томпо оройуонугар эр киһи сүппүтүнэн холуобунай дьыала хаамыытын дакылааттыырга…