Сүүс устуука ньургуһун чөмөхтөһөн үүммүт

Тоҥ буору тобулан тахсар ньургуһун туһунан  төһөлөөх ырыа ылланарый, хоһоон хоһулларый? Ол тухары ньургуһуммут ураты кэрэтинэн куруук сөхтөрөр.

Дьыл-кэм уратытыттан көрөн, ньургуһун сибэкки араастык үүнэр. Кэнники сылларга чөмөхтөһөн үүнэр ньургуһун элбээбитин бэлиэтииллэр. Онтон бу хаартыскаҕа көрөр хара саарыл (фиолетовай) ньургуһуннарбыт Өлүөхүмэ улууһугар үүнэн тахсыбыттар. Чөмөхтөһөн үүммүт ньургуһун ахсаанын аахпыттара оруобуна 100 устуука буолан биэрбит. Ону олохтоохтор Сахабыт сирэ 100 сылынан эҕэрдэ курдук ылыммыттара оруннаах курдук.

Ону сэргэ, тапталлааххар бэлэхтииргэ бэйэтэ сибэкки дьөрбөтө  буолбатах дуо?