Сүүстэн тахса эмчит Туймаада ыһыаҕар үлэлээтэ

Бэс ыйын 29-30 күннэригэр  Туймаада ыһыаҕын кэмигэр Үс Хатыҥҥа үлэлээбит эмчиттэргэ 300-чэ   киһи кэлэн көрдөрүннэ. Ол иһигэр 34 түбэлтэҕэ суһал көмө оҥоһулунна, 14 киһини балыыһаҕа ыыттылар.

СӨ Доруобуйа харыстабылын министиэристибэтэ Туймаада ыһыаҕын кэмигэр быраастар-сиэстэрэлэр биригээдэлэрин, ол иһигэр “суһал көмөнү”, тэрийбитэ. Онтон успуорт күрэхтэһиилэригэр Успуорт мэдиссиинэтин киинин исписэлиистэрэ, ону таһынан Саахал мэдиссиинэтин мобильнай госпитала уонна  наркология көмөтүн оҥорор  көһө сылдьар пуун үлэлээтилэр.

Ыһыахха барыта 100-тэн тахса үрүҥ халааттаах аанньал үлэлээтэ.