Хаартыска: PxHere
Тустаах сыалга анаан ыытыллыбыт харчы уопсай суумата 99,5 мөл. солк. тахса суумаҕа тэҥнэһэр. Бу туһунан алтынньы 29 күнүгэр СӨ Cоциальнай пуондатын салаатын управляющайа Марина Герман иһитиннэрдэ.
“Ийэ хапытаалын харчытын хаһан төрөөбүттэриттэн эбэтэр иитэ ылыллыбыттарыттан тутулуга суох төрөппүт да, иитэ ылбыт даҕаны оҕоҕо туһаныахха сөп. Оҕо үөрэҕин саҕалыырыгар 25 сааһын туола илик буолуохтаах. Ийэ хапытаалын үөрэх өҥөтүгэр туһанар туһугар оҕо үс сааһын туолбут буолуохтаах. Оскуола иннинээҕи үөрэхтээһиҥҥэ оҕо төрөөбүтүн кэннэ туһаныахха сөп”? – диэн Марина Герман быһаарар.
Ийэ хапытаалын көмөтүнэн төрөппүттэр уһуйаан, оскуола, кэллиэс, университет, 16 сааһыттан суоппар кууруһугар үөрэниилэригэр, куруһуоктары, дьарыктары, успуорт секцияларын, уус-уран, муусука, успуорт оскуолаларын, ону тэҥэ, устудьуон уопсайга толорор төлөбүрүн төлүөхтэрин сөп диэн бэлиэтииллэр.
Марина Герман иһитиннэрбитинэн, СӨ Cоциальнай пуонда салаата 12 үрдүк, 38 орто үөрэҕи, үөрэх өҥөтүн оҥорор урбаанньыттары ааҕан туран 655 уһуйааны кытта сөбүлэҥ түһэрсибит. Ийэ хапытаалын харчытын оҕону үөрэтиигэ туһанар туһугар төрөппүт туһааннаах сайабылыанньаны биэриэхтээх. Сайабылыанньаны хас да көрүҥүнэн биэриэххэ сөп: Судаарыстыбаннай өҥө порталынан (Госуслуги), МФЦ эбэтэр социальнай пуонда салаатын чугастааҕы сулууспатыгар. Харчы ийэ хапытаалыттан үбү туһанарга сөбүлэҥ бэриллибитин кэннэ биэс үлэ күнүн иһинэн киирэр.
Ил Дархан уонна Бырабыыталыстыба пресс-сулууспата.
Судаарыстыбаннай Дуума дьокутаата Игорь Антропенко оскуолаларынан оҕолорго Сэбиэскэй кэминээҕи Саҥа дьыллааҕы остуоруйалары көрдөрөр туһунан этии…
Ас-үөл хаачыстыбатыгар уонна куттала суох буолуутугар Ил Дархан иһинэн координационнай сэбиэт мунньаҕар оскуолалары, уһуйааннары, социальнай…
Саха сиригэр дойду биир саамай бөдөҥ уонна технологическай өттүнэн уустук инфраструктурнай бырайыага – Өлүөнэ күргэтин…
Өрөспүүбүлүкэ борокуруора Сергей Дябкин сорудаҕынан, Ленскэй улууһун борокуратуурата Ленскэй куорат «Севернай» түөлбэҕэ хас да элбэх…
Саҥа дьыллааҕы бырааһынньыктары көрсө Судаарыстыбаннай Дуума дьокутаата Олег Леонов ТАСС-ка биэрбит кэпсэтиитигэр пиротехниканы куттала суох…
ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут.…