Түүн муҥутаан 42°С кыраадыска диэри тымныйыа

Саха сирин синоптиктара ахсынньы 24 күнүгэр кыралаан хаар түһэрин, түүн муҥутаан 42°С кыраадыска диэри тымныйарын билгэлииллэр. Бу туһунан Саха сиринээҕи УГМС саайта иһитиннэрэр.

Өрөспүүбүлүкэҕэ соҕуруудуу-арҕаа, соҕуруулуу-илин, киин улуустарынан, түүн арҕаа өттүгэр  кыралаан хаар түһэрэ күүтүллэр. Соҕуруу сорох сиринэн хаардыыр, тибии түһэр, сөкүүндэҕэ  8-13 м. түргэннээх күүстээх тыаллаах.

Салгын температурата түүн -29-34°С кыраадыс, былыта суох буоллаҕына  –37-42°С, хаар түстэҕинэ  -21-26°С, күнүс 27-32°С, соҕуруу -17-22°С, хотугулуу-арҕаа, хотугулуу-илин -35-40°С кыраадыс тымныы.

Дьокуускайга салгын температурата түүн -34-36°С, күнүс -30-32°С кыраадыс тымныы. Кыралаан хаардыыр, хотугулуу-илинтэн сөкүүндэҕэ 1-5 м. түргэннээх тыаллаах.