Тааһаҕар үөрэнээччилэрэ «Араҕас күн» аахсыйаҕа кытыннылар

Саха сиригэр сыл аайы «Психологическай доруобуйа ыйа» ыытыллар, быйыл кулун тутар 15 муус устар 15 күнүгэр диэри бу ыйга сыһыаран оскуолаларга араас тэрээһиннэр, аахсыйалар  былааннаналлар.

Бу күннэргэ «Психологическай доруобуйа ыйа» былаан чэрчитинэн Бүлүү улууһун Тааһаҕар орто оскуолатыгар «Араҕас күн» диэн ааттаах тэрээһин-аахсыйа ыытылынна.  Оскуола үөрэнээччилэрэ уонна учууталлара бары араҕас таҥас кэтэн кэлэн Даун синдромнаах дьон күннэригэр сөп түбэһиннэрэн аахсыйаҕа кыттыстылар.

Тэрээһин сыалынан-соругунан — даун синдромнаах дьону доруобуйаларыгар хааччахтаах дьон курдук буолбакка, кинилэри хайдах баалларынан ылыныахха наада диэн үүнэн иһэр көлүөнэҕэ өйдөтүү буолар.