Тааһаҕарга култуура дьиэтэ тутуллан бүтэрэ чугаһаата

Share

Бүлүү улууһугар Тааһаҕарга национальнай бырайыак иитинэн тутуллар «Эйгэ» култуура дьиэтин быйыл ахсынньыга үлэҕэ киллэрэр былааннаахтар.

Үлэ хаамыытын СӨ Бырабыыталыстыбатын бэрэссэдээтэлин солбуйааччы Сергей Местников уонна култуура миниистирэ Юрий Куприянов миэстэтигэр тиийэн көрдүлэр-иһиттилэр.

Санатар буоллахха, РФ Бырабыыталыстыбатын бэрэссэдээтэлэ Михаил Мишустин Саха сиригэр үлэтинэн кэлэ сылдьан, СӨ Ил Дархана Айсен Николаев этиитин өйүүрүн биллэрбитэ. Ол түмүгэр, «Эйгэ» култуура дьиэтин тутууга 16,6  мөл. солк. үп эбии көрүллэрэ ситиһиллибитэ.
Эбийиэккэ билигин тас өттүн тупсарыы үлэтэ түмүктэнэн эрэр, дьиэ иһэ сылытыллыбыт. Сэтинньи устатыгар ис өттө оҥоһуллуохтаах, ахсынньыга үлэ түмүктэниэхтээх.
Оттон Хампаҕа быйыл эмиэ сыл бүтүүтүгэр үлэҕэ киллэриллиэхтээх кулууп улуус бүддьүөтүттэн үбүлэнэн тутулла турар. Манна Сергей Местников олохтоохтор саҥа кулуубу миэбэлинэн, тэрилинэн хааччыйары туруорсууларын боппуруоһа көрүллүөхтээҕин  этэр.
Уопсайынан, Бүлүү улууһугар үс култуура эбийиэгэ тутулла турар. Балартан үөһээ этиллибит икки кулууп быйыл, оттон Тыымпыга тутуу үлэтэ эһиил түмүктэниэхтээх.
Бэлиэтээн этэр эбит буоллахха, Саха сиригэр бу сылга «Култуура» национальнай бырайыак иитинэн Сунтаар улууһугар Кэмпэндээйигэ култуура дьиэтин, Бүлүү улууһугар Тыымпыга элбэх хайысхалаах култуура киинин үлэҕэ киллэрэллэр.
Хаартыскаларга Николай Куприянов түһэриилэрэ
What’s your Reaction?
+1
0
+1
0
+1
0
+1
0
+1
0
+1
0
+1
0

Recent Posts

  • Сонуннар
  • Уопсастыба

Баатара оскуолатыгар — бастакы чоппуускалар

Бу күннэргэ Сэбиэскэй Сойуус Дьоруойа Федор Кузьмич Попов аатынан Баатара орто оскуолатыгар бастакы чоппуускалар күн…

2 минуты ago
  • Култуура
  • Сонуннар

Үҥкүү күнэ — Найахыга

Муус устар бүтэһик күнэ найахыларга ураты сэргэх буолла. Нэһилиэк сынньалаҥ киинигэр Аан дойдутааҕы үҥкүү бырааһынньыгын…

33 минуты ago
  • Сонуннар
  • Уопсастыба

Үйэлэргэ өлбөөдүйбэт үтүө холобур

Киһи сааһын тухары ийэтин күндүтүк саныыр, сүрэҕэр чугастык тутар. Төһө да сааһырдаргын, ийэҥ аттыгар баар…

1 час ago
  • Сонуннар
  • Сүрүн

Олох-дьаһах хомунаалынай хаһаайыстыбатын төлөбүрүн иһин баан хамыыһыйатын туппат буолуохтара

Бу сыл от ыйын 1 күнүттэн элбэх оҕолоохтор уонна биэнсийэлээх дьон олох-дьаһах хомунаалынай хаһаайыстыба өҥөтүн…

2 часа ago
  • Сонуннар
  • Уопсастыба

Мииринэйгэ урбаанньыттар көрсүһүүлэрэ буолла

Мииринэй Удачнай куоратыгар уонна Айхал бөһүөлэгэр "Мин биисинэһим" киин исписэлииһэ Наталья Константинова урбаанньыттарга анаан уонна…

2 часа ago
  • Байыаннай эпэрээссийэ
  • Сонуннар

Оҕо сааспыт доҕоро, Ньургустаан, быдан дьылларга быраһаай

Куруук үөрэ-көтө, мичээрдии сылдьыбыт оҕо сааспыт доҕоро, үөрэппит оҕом Ньургустаан Корнилов бүгүн, ыам ыйын 3…

3 часа ago