Дарья Лугинова хаартыскаҕа түһэриитэ
Аан дойдутааҕы Уу күнүн чэрчитинэн бу нэдиэлэни быһа онно аналлаах тэрээһиннэр буола тураллар.
Уу ресурсаларын федеральнай ааҕыныстыбатын Өлүөнэ тардыытынааҕы ууга салалтата уонна «Ленарегионводхоз» филиала Дьокуускай куорат Таалай күөлүгэр ууну кислородунан хааччыйыыга (аэрация) күрэхтэһии ыыттылар.
Маннык күрэхтэһии үгэскэ кубулуйан урут сыл аайы Сайсары күөлгэ ыытыллара, быйыл миэстэтин уларытан Таалай күөлгэ буолла.
Тэрээһин сыала-соруга – уу ресурсаларын кыһалҕатыгар ууну харыстааһыҥҥа уонна табыгастаахтык туһаныыга уопсастыбаннас болҕомтотун тардыы, ону тэҥэ физическэй култуура уонна маассабай успуорт бастыҥ үгэстэрин тарҕатыы, сайыннарыы буолар.
Бу күрэхтэһиигэ устудьуоннар уонна ыччаттар, барыта 4-түү киһилээх 8 хамаанда кытынна. Иккилии хамаанда тэҥинэн түөртүү лууҥканы үүттээн илин-кэлин түһүстүлэр. Тэрийээччилэр хас хамаанда аайы үүттүүр тэрил быһаҕын саҥаҕа уларытан истилэр.
Эрийсиилээх киирсиилэр кэннилэртиттэн бастакы миэстэни Дьокуускайдааҕы тыа хаһаайыстыбатын техникума, иккиһи – Арктикатааҕы судаарыстыбаннай агротехнологическай университет 2 хамаандата, үсүһү – Арктикатааҕы судаарыстыбаннай агротехнологическай университет 1 хамаандата ыллылар. Үс бастакы миэстэни ылбыт хамаандалар сыаналаах бириистэринэн, дипломнарынан уонна куубагынан наҕараадаланнылар.
Ахсынньы 24 күнүгэр «Бриллианты Якутии» ансаамбыл 2025 сылы түмүктүүр аһаҕас уруогун үрдүк таһымнаахтык ыытта! [gallery…
Үөрэх тиһигин оптимизацията үөрэх хаамыытыгар хоромньуну оҥоруо суохтаах. Бу туһунан өрөспүүбүлүкэ баһылыга Айсен Николаев Ил…
Социальнай пуонда Саха сирнээҕи салаата иһитиннэрэринэн, биэнсийэни уонна оҕо босуобуйаларын Саҥа дьыл иннинэ эрдэ биэриэхтэрэ. …
Ю.П. Степанов аатынан инбэлииттэри чөлүгэр түһэрэр өрөспүүбүлүкэтээҕи кииҥҥэ 557 байыаннай дьайыы кыттыылааҕа уонна кинилэр дьиэ…
Аны сайын Кэбээйи улууһугар Олоҥхо ыһыаҕа ыытыллар. Ону көрсө Сииттэ оскуолатын таһыгар төрөппүттэр оҕолорун кытта…
Абый улууһун борокуруора оскуолаҕа уруокка эт-хаан эчэйиитин ылбыт оҕоҕо харчынан толуйууну төлөттө. 2014 сыллаахха төрөөбүт…