Таалакааҥҥа сир-буор ньиэп бородууктатынан киртийбитэ билиннэ
Ленскэй оройуонугар «Сургутнефтегаз» ПАУо скважинатыгар саахал тахсыбытын түмүгэр, ньиэп бородууктата тохтубута билиннэ.
Саахал тахсыбыт сириттэн буор боруобатын ылан, лабораторнай чинчийии түмүгүнэн, ньиэп бородуукталара тохтон, буор, сир киртийбитэ бигэргэннэ. Эспэртиисэ түмүгэ Ленскэй оройуонун Борокуратууратыгар бэрэбиэркэ ыыталларыгар анаан, ыытылынна.
Бүгүҥҥү туругунан, Экология, айылҕаны туһаныы, ойуур хаһаайыстыбатын министиэристибэтэ сиргэ төһө кээмэйдээх хоромньу оҥоһуллубутун ааҕар-суоттуур үлэни ыытар.
Ыам ыйын 10 күнүгэр «Сургутнефтегаз» хампаанньа Соҕуруу Таалакааннааҕы 11-с №-дээх скважинатыгар саахал тахсыбыта. Онон сибээстээн, СӨ Борокуратуурата Экология, айылҕаны туһаныы, ойуур хаһаайыстыбатын министиэристибэтин истписэлиистэрин кытта борокуруор бэрэбиэркэтин ыыппыттара.
Экология, айылҕаны туһаныы, ойуур хаһаайыстыбатын министиэристибэтэ.
Сообщить об опечатке
Текст, который будет отправлен нашим редакторам: