Хаартыска: sakha.gov.ru
Амма өрүһүн уу суолунан бастакы баартыйа таас чох тиэрдилиннэ. Оттукка туһаныллар таас чох ГУП ОДьКХ филиалыгар туһаныллыахтаах.
-«РТ-731» теплоход Дьыабарыкы Хайаттан 2 205 туонна таас чоҕу Амма оройуонугар аҕалла. Ол курдук, таас чоҕу «СахаСпецТранс» тэрилтэ 15 тиэхиньикэтэ суһаллык ыскылаакка тиэйбитин туһунан ОДьКХ ГУП иһитиннэрбиттэр.
Бу күннэргэ «ЛОРП» ПАО тэрилтэ уунан сылдьар үс тырааныспара 5 014 туонна чоҕу аҕалыаҕа. Амма улууһун хочуолунайдарын чоҕунан хааччыйыы бастакы тууругар 10 тыһ. туонна чох кэлэрэ былааннанар. Билигин тиэйиигэ 2 781 туонна таас чох хаалла. Маны сэргэ, Мироновскайдааҕы чох хостуур сиртэн Ньурба улууһун филиалыгар 49 тыһ.туонна таас чох тиэйиллэрэ күүтүллэр.
Бүгүҥҥү күҥҥэ «Капитан Богатырев» аатынан таһаҕаһы тиэйэр суудуна 2,5 тыһ. туонна чоҕу тиэнээри Сангар бөһүөлэгэр тохтоон турар.
Бэлиэтээн суруйдахха, өрөспүүбүлүкэ бырабыыталыстыбата бигэргэппитинэн, Саха сиригэр бу сылга уу суолунан 1 274 тыһ. туонна таһаҕаһы тиэрдии былааннанар. Манна 750 флоту уонна 40 кырааннаах тиэхиньикэни үлэлэтэр былаан баар. Навигация кэмигэр ОДьКХ ГУП филиалларыгар 312,8 тыһ. туонна оттугу: 246,4 тыһ. туонна таас чоҕу, 54,3 тыһ. туонна ньиэп уонна 12,1 тыһ.туонна гаас кондесатын оттугун тиэрдэри былаанныыр.
2022 сылтан төрүт култуураны тарҕатааччыларга Ил Дархан истипиэндьийэтэ бэриллэр буолбута. Бу кэмтэн уопсайа 81 киһи…
Үөһээ Бүлүү улууһугар ыытыллар «Тыа сирин оскуолата уонна Үөрэх маарката-2025» XXI өрөспүүбүлүкэтээҕи педагогическай дьаарбаҥкаҕа Саха…
Саха сиригэр от ыйын 1 күнүттэн 2025-2026 сс. бултааһын сезонугар саамай тарҕаммыт бултка - көтөрү…
Байыаннай дьайыыга сылдьар хоһуун санаалаах хорсун ыччаттарга Кэбээйи улууһун Куокуй нэһилиэгэр "Надежда" иис түмсүүтэ тиһигин…
От ыйын 8 күнүгэр -- Дьиэ кэргэн күнүгэр Саха сириттэн Архангельскай, Магадаан уобаластарыттан эдэр пааралар…
Арассыыйа үрдүнэн мэдиссиинэ эйгэтигэр каадыр тиийбэтин кыһалҕата күүскэ бэлиэтэнэр. Бу боппуруоһу быһаарар биир ньыманан биэнсийэҕэ…