Мииринэй оройуонун Таас Үрэх сэлиэнньэтигэр элбэх хайысхалаах култуура киинин тутуу саҕаланна. Манна култуура дьиэтэ, бибилэтиэкэ, буоста, актовай саала уонна спортивнай саала баар буолуохтара.
Бастакы сыбаайаны түһэрии сиэригэр-туомугар Саха сирин Ил Дархана Айсен Николаев кытынна.
— Бүгүн Таах Үрэх сэлиэнньэтигэр элбэх өҥөлөөх киини тутуу — күүтүүлээх түгэн. Бу эбийиэк култуура, успуорт, уопсастыбаннай киинэнэн эрэ буолбакка, сэлиэнньэ сайдыытын бэлиэтинэн буолар.»Таас Үрэх Нефтегазодобыча» уонна «Росньиэп» хампаанньаларга Саха сирин кытта социальнай өттүнэн бииргэ үлэлииллэрин иһин махтанабын,- диэтэ өрөспүүбүлүкэ баһылыга.
Саҥа киин бырайыагын оҥорууга нэһилиэнньэ бары саастаах дьонун интэриэһин болҕомтоҕо ылбыттара.
Таас Үрэх баай устуоруйалаах: «Кыым» xолкуоска тыа кулууба 1953 сыллаахха тутуллубута уонна 2023 с. 70 сылын бэлиэтээбитэ. Мииринэйгэ култуура былыргы дьиэтин саахалланар туруктааҕынан билиммиттэрэ.
Саҥа дьиэҕэ киинэ, кэнсиэр көрөр саалалаах, быыстапкалыыр эйгэлээх, бибилэтиэкэлээх, универсальнай успуорт саалалаах буолуохтаах.
Эбийиэк архитектурата аныгы технологиялары уонна национальнай үгэһи илдьэ сылдьар.
Тутуу «Роснефть» НК ПАУо уонна Саха сирин икки ардыгар тохсус Илиҥҥи экэнэмиичэскэй пуорумҥа түһэрсиллибит сөбүлэһиигэ олоҕуран тутуллар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав…
Хоту көһөрүллүү күнүн бэлиэтиир тэрээһиннэр чэрчилэринэн, Чурапчыга “Айылгы” НАДь фойетыгар Саха сиригэр соҕотох баталист-худуоһунньук Иван…
СӨ Быыһыыр сулууспата иһитиннэрбитинэн, балаҕан ыйын 17 күнүгэр 21.15 ч. Дьокуускай куоракка Сайсары күөлгэ 2000…
Амма сэлиэнньэтигэр Мир уулуссаҕа таба киирэн олохтоохтору соһутта. Туһааннаах видео бу күннэргэ социальнай ситиминэн тарҕанна.
"Путь воина" байыаннай-тактическай күрэхтэһиигэ бэҕэһээ Волгоградскай уобалас «Сталинград» уонна Тюменьскай уобалас «Соболь» хамаандалара күөн көрүстүлэр.…
«Чолбон» сурунаал балаҕан ыйынааҕы нүөмэригэр: - «Улуу Кыайыы айымньыларыгар» норуот суруйааччыта Николай Лугинов номоххо киирбит…