Хаартыска: СӨ култуурунай нэһилиэстибэ эбийиэктэрин харыстыырга управлениета.
Саха сиригэр тааска суруктары сыыппараҕа киллэрии үлэтэ ыытыллар. Үлэ бастакы түһүмэҕэ 2023 сыл балаҕан ыйыттан саҕаламмыта.
Быйыл үлэ салҕанна. Эспэдииссийэҕэ СӨ култуурунай нэһилиэстибэ эбийиэктэрин харыстыырга управлениета, Хотугу норуоттар кыһалҕаларын, гуманитарнай чинчийии институтун, Археология лабораториятын үлэһиттэрэ кыттыбыттара.
Эспэдииссийэ Хаҥалас улууһун Тиит Арыы, Еланка, Үөдэй сэлиэнньэлэрин сирдэригэр буолбута. Манна ойуулары, суруктары сыыппараҕа түһэрии, 3D-моделирование үлэтэ ыытыллыбыта. Ойуулары хаста да араас өттүттэн хаартыскаҕа түһэрэллэр уонна анал бырагыраамаҕа киллэрэннэр, 3D-модель оҥороллор. Маны сэргэ учуонайдар ойуулар туруктара хайдаҕын чинчийдилэр.
Хомойуох иһин, тааска уруһуйдар туруктара соччото суох. Түҥ былыр соһо кыраасканан уруһуйдаммыт ойуулар итии-тымныы, тыал, ардах, күн уотун дьайыытыттан алдьанан иһэллэр. Дьон дьайыыта да баар. Саҥа инновационнай ньымалар тааска уруһуйдар уобарастарын үүнэр көлүөнэлэргэ харыстаан хаалларыахтара диэн эрэл баарын СӨ култуурунай нэһилиэстибэ эбийиэктэрин харыстыырга управлениета иһитиннэрэр.
Өлүөхүмэ куорат баһылыга Сергей Щебляков бэйэтэ баҕа өттүнэн астаапкаҕа барда. Бу туһунан "Өлүөхүмэ" оройуоннааҕы хаһыат …
Ыйытыы: РФ Үлэ кодексын 128 ыстатыйатынан көрүллүбүт, хамнаһа суох уоппуска хайдах бэриллэрий? Үлэни биэрээччи үлэһит…
Өр сылларга эргэ хаарбах дьиэҕэ олорбут Өрөспүүбүлүкэтээҕи (коррекционнай) интэринээт-оскуола үс сыллааҕыта үс этээстээх таас саҥа…
Саха сиригэр 2025 сыл 8 ыйын устата кэҥэтиллибит неонатальнай чинчийии көмөтүнэн, түөрт кыһыл оҕоҕо сэдэх…
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан…
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав…