Бу күннэргэ Таастаах нэһилиэгэр Нам улууһун тимир уустара мустан тимири уһаардылар.
Таастаах нэһилиэгэр тимир уһаарыыта Василий Иванович Герасимов салайыытынан, көҕүлээһининэн 2011 сылтан саҕаламмыта. Кэнники сылларга тустаах тэрээһин Нам улууһун уустарын түмсүүтэ тэрийиитинэн ыытыллар.
Бу күн түмсүү салайааччыта Михаил Баишев (1 Хомустаах) уонна кини үөрэнээччилэрэ Василий Герасимов (Таастаах), Алексей Пинигин-Лоҥхо Уус (Хатырык), Прокопий Ильин (Нам с.), Александр Михайлов (Нам с.), Максим Попов (Таастаах), Иннокентий Данилов (1 Хомустаах) буолан, үс оһоххо күнү күннүктээн тура тэбинэн туран күүскэ үлэлээтилэр.
Биирдии оһоххо 21 киилэ тимирдээх урууданы кутан, 3,5 киилэ болгуо тимири уһааран таһаардылар. Онон уопсайа 10,5 киилэ кэриҥэ болгуо тимири уһаардылар.
Киэҥ көрүүлээх, сахалыы санаалаах, тимир уһаарыытынан дьарыктанар биир дойдулаахтарбытыгар чэгиэн туругу, үрдүк ситиһиилэри баҕарыаҕыҥ!
Санатар буоллахха, тэрээһин сүрүн сыала-соруга: былыргы саха тимирин уһааран ылар дьоҕуру салгыы сайыннарыы, киэҥ араҥаҕа тэнитии, кыһын тимир оҥоһуктары оҥорор тимиринэнэ хааччыныы, уопут атастаһыыта уонна инники былааннары торумнааһын.
«Нам улууһа» МТ пресс -сулууспата
Видео-устууну көрүҥ
Дьокуускайга Аҕа дойду Улуу сэриитин бэтэрээнэ Петр Константинович Яковлев 100 сааһын туолуутун үөрүүлээх быһыыга-майгыга чиэстээтилэр.…
Хаһаайыстыбаннай мыыла туһата элбэх эбит. Аҥардас таҥас сууйарга эрэ буолбакка, хаһаайыстыбаҕа барытыгар туһаныахха сөп эбит.…
Арассыыйа Бэрэсидьиэнэ Владимир Путин байыаннай таҥас кэтиитигэр уларыйыы киллэрэр туһунан Ыйаахха илии баттаата. Докумуон быраап…
Таатта улууһугар Ытык Күөлгэ ыытыллыбыт күрэс төрүт көрүҥнэригэр XXII “Манчаары оонньууларын” уопсай хамаанданан түмүктэрэ билиннэ. …
От ыйын 10 күнүгэр XXII-с Манчаары оонньууларын чэрчитинэн Д.К. Сивцев-Суорун Омоллоон аатынан Чөркөөх түмэлигэр «Манчаары…
Бу салааты биирдэ амсайбыт киһи умнубат, астына-дуоһуйа сиир аһа. Сайыҥҥы чэпчэки, ол эрээри тотоойу уонна…