Хаартыска Нам дьаһалтатын пресс-сулууспатыттан
Бэҕэһээ, балаҕан ыйын 29 күнүгэр, Нам улууһун Таастаах нэһилиэгэр уустар түһүлгэлэригэр Улуу Суорун Ытык бэлиэтин туруордулар диэн улуус дьаһалтатын пресс-сулууспата иһитиннэрэр.
Ытык бэлиэни Таастаах нэһилиэгин олохтооҕо, кыраайы үөрэтээччи, Нам улууһугар тимир уһаарыытын сөргүппүт Василий Герасимов бэйэтин баҕатынан ис санаатыттан оҥордо.
«Ытык бэлиэни туруорар баҕа санаа уруккуттан баара. Быйыл саас сөптөөх мас булан атыылаһан, бэлэмнээн үлэтин саҕалаабытым. Манна майгынныыры хас да сыллааҕыта Златоуст куоракка Саха сириттэн тимир уустар бэстибээллэригэр бара сылдьан оҥорон туруорбуппут. Хамаҕаттаттан дэгиттэр таллааннаах уус Руслан Захаров сүбэ-ама буолан көмөлөстө. Балаҕан ыйа – Улуу Суорун ыйа. Онон Ытык бэлиэни балаҕан ыйын баттаһа туруорбуппутуттан үөрэбин. Улуу Суорун киһиэхэ үс сүрүн идэни биэрбит. Уус идэтин, тыл хомуһунун уонна ойууннааһыны, ол аата эмчит идэтин, уус диэҥҥэ илиинэн тутан-хабан үлэлиири барытын киллэриллэр. Тимир уустарын тотемнара – суор. Онон эскииһин онно майгыннатан, сүбэ быһыытынан Дьулус Марков оҥорбута. Ытык бэлиэ туруоруутугар Таастаах олохтоохторо Александр Оконешников, Игорь Строев, Намтан тимир ууһа Ньургустан Уваров, Илья Заболоцкай, Хамаҕаттаттан Руслан Захаров кэлэн көмөлөспүттэригэр, өйөөбүттэригэр махталым улахан», — диэн кэпсээтэ Василий Иванович.
Василий Герасимов Уустар түһүлгэлэригэр салгыы балаҕан тутар баҕа санаалааҕын, тыйыс тымныы айылҕалаах сиргэ олорон өбүгэлэрбит мындыр өйдөрүнэн тимири уһаарбыт ньымаларын дьоҥҥо сэргэҕэ көрдөрүөҕүн баҕарарын эттэ.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…