Таастаахтар муҥхалаатылар

Саха киһитигэр былыр-былыргыттан муҥхаҕа сылдьыы бэйэтэ бырааһынньык.

Таастаах олохтоохторо ааспыт өрөбүлгэ Чаакыйа күөлгэ муус аннынан муҥхалааһыны тэрийдилэр. Бу күн уопсайа эр киһилиин, дьахтардыын, кырдьаҕастыын барыта 60-ча киһи сырытта. Нам сэлиэнньэтин олохтооҕо Николай Николаевич Данилов, Таастаах олохтооҕо Василий Иванович Герасимов нэһилиэк дьонун-сэргэтин, ону таһынан улуус кииниттэн, 1-кы Хомустаахтан кэлбит дьону түмэн, муҥханы иилээн-саҕалаан тэрийдилэр. Муҥхаҕа кэлбит дьон ким тугу сатыырынан үөрэ-көтө, сытыытык, сылбырҕатык туттан көхтөөхтүк үлэлээтилэр.

Муҥха түспүт эбэтэ көмүс хатырыктааҕыттан күндүлээтэ. Инньэ гынан муҥхаҕа сылдьыбыт дьон кырдьаҕастыын-эдэрдиин бары балык амсайар чиэскэ тигистэ.
Бу субуотаҕа, ол эбэтэр алтынныьы 24 күнүгэр, Таастаах нэһилиэгин Дьалы күөлүгэр “Нам совхоз” төрүттэммитэ 65 сылыгар аналлаах Үөдэй, 1-кы Хомустаах, Партизан, Таастаах нэһилиэктэрин олохтоохторун улахан муҥхата тэриллиэҕэ.

Нам улууһун дьаһалтата

Хаартыскалар улуус дьаһалтатын тиксэриилэрэ