Даайа Аммата, Чымынаайы, Чычымах, Харбалаах нэһилиэктэрэ кыттыылаах «Таатта Аммалара» күрэс Харбалаахтааҕы К.Е.Владимиров аатынан Култуура-успуорт киинин киэҥ уораҕайыгар бэрт тэрээһиннээхтик ааста.
Күрэхтэһиини көрө-истэ, дьүүллүү, сүбэлии Е.Е.Ноенохов, Г.Л.Павлова, С.Д. Варламова, О.В. Аргунова ыҥырыылаах ыалдьыт буолан кэлбиттэрэ күрэхтэһии таһымын өссө үрдэттэ.
Күрэхтэһии аһыллыытыгар нэһилиэкпит аҕа баһылыга Альберт Кулачиков уонна ыҥырыылаах ыалдьыттар тыл эттилэр, ситиһиини баҕардылар. Аһыллыы сиэрин-туомун, тойук туойан, боҕуруоскай отунан ыраастаан, хомустаан дьиэрэтэн, оҕунан ытыыга СССР успуордун маастара, “Төрүт Ох” сүрүн тириэньэрэ Галина Лукинична ыытта. Талааннаах ырыаһыппыт Владимир Жирков ырыа бэлэхтээн киэргэттэ.
Күрэхтэһиигэ уопсайа 53 спортсмен кытынна, ол иһигэр, нэһилиэктэр аҕа баһылыктара, солбуйааччылара кыттыбыттара кэрэхсэбиллээх.
Дартс көрүҥҥэ — Даайа Аммата, Чычымах, Харбалаах;
Буулдьанан ытыыга – Чымынаайы, Даайа Аммата, Чычымах;
Төрүт оҕунан ытыыга – Харбалаах, Чымынаайы, Чычымах.
Уопсай түмүккэ Даайа Аммата, Чымынаайы, Харбалаах хамаандалара бастыҥынан ааттаннылар.
Кыттааччылар, ыалдьыттар уонна ыалдьааччылар бу сонун бырайыак күрэхтэһиитин сыл аайы ыытан, өссө атын көрүҥнэри эбиэххэ сөбүн туһунан баҕа санааларын тириэртилэр. Кыттааччылар бары астынан, дуоһуйан тарҕастылар. Онон күрэхтэһииини ыытарга өйөбүл буолбут Диана Егоровна Соломоноваҕа, Амма Аччыгыйа аатынан ХОК гарааһын, ХДНТ, олохтоох дьаһалта кэлэктииптэригэр уонна нэһилиэк успуорка инструкторынан саҥа үлэлии киирээт, бастакы күрэхтэһиини бэркэ ыыппыт Эдуард Петрович Чемезовка барҕа махталларын тириэртилэр.
Ньургун ТИСТЯХОВ, Таатта
Дьиэ кэргэн сылын чэрчитинэн, 2024 сыл ыам ыйыттан балаҕан ыйыгар диэри “Дьиэ кэргэн улахан өрөбүллэрэ”…
Саха Өрөспүүбүлүкэтин тутууга миниистирэ Виктор Дмитриевич Романов ыам ыйын 15 күнүгэр «Одноклассниктар» уонна "Вконтакте" социальнай…
Саха сиригэр түмэл нэдиэлэтэ өрүү да буоларын курдук, өрө көтөҕүллүүлээхтик, сэргэхтик ыытыллар. Олус интэриэһинэй тэрээһиннэр,…
Бу күннэргэ Саха сиригэр НМИЦ былааннааһыҥҥа уонна сайдыыга наука-методика отделениетын научнай үлэһитэ Андрей Гайдаенко салайааччылаах…
"Аҕа дойдуну көмүскээччилэр" пуонда филиала үлэтин саҕалыаҕыттан, алта тыһыынчаттан тахса киһи сибээстэспит. Ол иһигэр, 1800-тэн…
Ыам ыйын 15 күнүн сарсыарда 6 чаастааҕы бэлиэтээһининэн, Дьокуускай аннынан муус миэстэтигэр хамсаата. Суукка иһигэр…