Таатта борокуратуурата сууту албыннааһыны утары холуобунай дьыала тэрийдэ

Таатта улууһун борокуратуурата Амма нэһилиэгин урукку баһылыгын уонна экс-баһылык солбуйааччытын холуобунай дьыалатыгар буруйдуур түмүгү таһаарда.

Кинилэр кыттыһан сымыйа докумуону  туттарбыттара дакаастанна. Борокуратуура бэрэбиэркэлиир матырыйаалларынан холуобунай дьыаланы Силиэстийэлиир кэмитиэт Чурапчытааҕы салаата силиэстийээлээтэ.

Силиэстийэ быһаарыытынан, 2024 сыл от ыйыгар нэһилиэк урукку баһылыга болдьоҕун иннинэ тохтотор дьыалатыгар сымыйа дакаастыыр докумуону оҥорорго баһылык солбуйааччытын көмөлөһөргө көрдөспүт. Быһылык солбуйааччыта иирсээни тохтотууну бэрээдэктиир хамыыһыйа мунньаҕын сымыйа боротокуолун оҥорбут уонна суут көрүүтүгэр ыыппыт. Холуобунай дьыалаҕа буруйдуур бириигэбэр түмүгэ бигэргэтиллэн суут көрүүтүгэр ыытылынна. Бу туһунан СӨ Борокуратууратын пресс-сулууспата иһитиннэрэр.