Хаартыска: Елена Потоцкая
Тааттаҕа буола турар бырабыыталыстыба отчуотугар олохтоохтор араас ыйытыылары биэрэллэр уонна онно тустаах хоруйу ылаллар.
Ол курдук, биир суолталаах боппуруоһу үлэ бэтэрээнэ Михаил Архипов көтөхтө. Кини ааспыт сылга улууска 34 эрэ саҥа ыал эбиллибитин, арахсыы көрдөрүүтэ ону куоһарарын бэлиэтээтэ.
«Хомойуох иһин, бу маннык чахчыны Тааттаҕа эрэ буолбакка, өрөспүүбүлүкэ улуустарыгар барытыгар кэриэтэ холобурдуохха сөп. Тыа сиригэр сыбаайба ыытыллыбат буолбута, нууччалыы эттэххэ, «сенсация». Биһиги саҕана сыбаайба оҥорорго уочарат, өрөбүл күнү былдьаһыы буолара. Биир күн икки уруу киэһэтэ буолуох курдуга. Онон мин бүгүн бырабыыталыстыба отчуотугар кэлбит бөлөхтөн көрдөһөбүн, ирдэһэбин, туруорсабын — ыччат ыал буолуутун боппуруоһун быһаарыыга ылсаргытыгар. Демография — дойду социальнай бэлиитикэтэ. Онон дириҥ ис хоһоонноох үлэ барыан наада», — диэн туруоруста үлэ бэтэрээнэ.
Мин Бырабыыталыстыба Бэрэссэдээтэлин солбуйааччы Сергей Местниковтан Дьохсоҕон нэһилиэгин олохтооҕо Михаил Архипов ыйытыытыгар кини санаатын этэригэр көрдөстүм.
«Кырдьык, үлэ бэтэрээнэ бэлиэтээбитин курдук, тыа сиригэр уруу дьоро киэһэлэрин оҥоруу сэдэх буолла. Маныаха ыччаты ыал оҥорор инниттэн «араас бырайыактары толкуйдаан олоххо киллэрини, суорумньу киэһэлэрин тэрийиини болҕомтоҕо ылыахха наада» диэн тыа сирин олохтооҕо сөпкө бэлиэтиир. Ситэриилээх былаас отчуотун чэрчитинэн туһааннаах министиэристибэлэргэ дьон санаатын тиэрдиэхпит, тустаах үлэ ыытыллыаҕа» диэн хоруйдаата Сергей Местников.
Биллэн турар, бырабыыталыстыба отчуотугар олох-дьаһах бары өрүтэ хабыллар: күннээҕи кыһалҕаттан саҕалаан, сайдыы саҕахтарын торумнуур тосхоллорго тиийэ дьон санааларын этэллэр. Онон сыл саҕаланыыта биир күн анаан кинилэр нэһилиэктэригэр ананарын учуоттаан туран, дьон тугу туруорсарын сыта-олоро толкуйдаан, сурунан, бэлиэтэнэн кэлэр. Таатта Дьохсоҕонун олохтооҕо Михаил Архипов бүгүҥҥү отчуокка анаан сурунан кэлбитэ ону туоһулуур. Кини суолталаах этиилэрин барытын ситэриилээх былаас отчуотун ыытар бөлөх болҕомтоҕо ылла.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ уоту кытта бохсооччуларын түмтэ.…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…