Таатта Харбалааҕа 60 сыллаах үбүлүөйүн бэлиэтээтэ

Бүгүн СӨ Судаарыстыбаннай цииркэтин уораҕайыгар Таатта улууһун Харбалаах нэһилиэгэ төрүттэммитэ 60 сылын биир дойдулаахтар түмсэн, үөрүүлээхтик бэлиэтээтилэр.

Харбалаахтар бэйэлэрин бородууксуйаларын аҕалан быыстапкалаатылар, батардылар.

Нэһилиэк 60 сыллаах устуоруйата хаартысканан истиэндэтэ дойду ахтылҕанын таһаарда.

Харбалаахтар нэһилиэктэрин устуоруйатын, олоҕун-дьаһаҕын кэпсиир «Таатта Харбалааҕа — мин дойдум!» диэн олус дириҥ ис хоһоонноох ураты кинигэни сүрэхтээтилэр. «Ураты» диэн мин мээнэҕэ бэлиэтээбэтим. Бу Харбалаах туһунан бэртээхэй ыйынньык кинигэ. Бэрт элбэх үбүлүөйдээх кинигэни кытта билистим да, бу, кырдьык, олох атын ис хоһоонноох, олус туһалаах кинигэ буолан биэрдэ. Нэһилиэк устуоруйатын кэнэҕэс ыччаккка туһалаах гына маннык оҥоруохха сөп эбит.

Кинигэ ис хоһоонун туһунан «Киирии тылга» сиһилии билсиэххэ сөп.

Күнү быһа буолбут тэрээһин бииртэн биир кинигэ сирэйин курдук «арыллан» истэ. Ол курдук, нэһилиэк уопсастыбаннаһа мустан, Харбалаах кэскиллээх сайдыытын туһунан куоракка олорор дьон бэйэлэрин санааларын эттилэр, кэскиллээх бырайыактары сүбэлээтилэр.  Өрүү өйүүр, көмөлөһөр биир дойдулаахтарыгар махтанан, саҥа «буруолуу» сылдьар кинигэлэрин туттардылар.

Харбалаах Землячествотын салайар Семен Оготоев нэһиэлэгин туһугар ис сүрэҕиттэн кыһаллар, өйөбүл буолар Лилия Захаркинаҕа махтал тыл истиҥин тиэртэ:

Лилия Николаевна төрөөбүт нэһилиэгин эрэ буолбакка,    25 сыл устата тапталлаах улууһун  дурдата-хаххата буоларын Таатта улууһун Землячестваотын аатыттан Лариса Морхоева бэлиэтээтэ.

Бу үбүлүөйдээх дьоро киэһэҕэ Харбалаах дьонун-сэргэтин үөрүүлэрин улуус баһылыга Айаал Бурцев үллэһиннэ:

Харбалаахха үбүлүөйдээх тэрээһиннэр быйылгы сылы быһа буоллулар. Бу туһунан нэһилиэк баһылыга Альберт Кулачиков кэпсээтэ:

Салгыы Альберт Иустиновиһы кытта «Сайдар суол тула санаа атастаһыыта» диэн нэһилиэк салайааччылара киин куоракка олорор эппиэттээх министиэристибэлэргэ уонна биэдэмистибэлэргэ үлэлиир биир дойдулаахтарын кытта сайдар саҕахтары дьүүллэһэр мунньахтарыгар киирдибит.

Бу кэпсэтиигэ улуус баһылыга Айаал Бурцев кыттыыны ылла. Ил Түмэҥҥэ туох үлэни ыыта сылдьарын норуот дьокутаата Прокопий Рахлеев билиһиннэрдэ. Көрсүһүүгэ тутуу боппуруостарын, докумуону толорууга уустуктар баалларын, оҕо саадын, хочуолунайы тутуу, «Теплица» түөлбэ үлэтигэр сонун сүүрээннэри олоххо киллэрии курдук быһаарыыны эрэйэр боппуруостары ырыттылар,

Өрөспүүбүлүкэҕэ биир биллэр бастыҥ үлэлээх Харбалаах «Теплица» түөлбэтин салайааччыта Диана Соломонова Таатта улууһун землячествотын салайааччыта Владимир Аржаковка өрүү өйүү-көмөлөһө сылдьарын иһин Махтал суругу туттарда.

Таатта Харбалааҕын биир киэн туттар киһитэ —  чох хостуур промышленнай «Төлөн» АУо салайааччыта Прокопий Рахлеев дойдутун өрөгөйдөөх 60 сыллаах үбүлүөйүн дьонун-сэргэтин кытта бииргэ кэлэн бэлиэтээтэ:

Прокопий Дмитриевич саха дьоно бырамыысаланнаска бэрт тахсыылаахтык үлэлииллэрин маннык бэлиэтээтэ:

Биир дойдулаахтарын түмэр түмсүүнү Семен Оготоев тэрийэн үлэлэтэр. Семен Морович туох үлэ барарын туһунан бу курдук сырдатта:

Биир дойдулаахтар түмсүүлэрэ нэһилиэк дьаһалтатын кытта ыкса сибээстээхтик үлэлииллэрин туһунан землячество салайааччыта санаатын салгыы маннык үллэһиннэ:

Таатта Харбалааҕын 60 сыллаах дьоро киэһэтэ нэһилиэк талааннаах дьонун айар кэнсиэринэн түмүктэннэ.

Ити курдук, Таатта Харбалааҕа киин куоракка кэлэн сылы быһа ыыппыт үбүлүөйдээх тэрээһиннэрин түмүктээтэ.